Hechos 26:9 - El Nuevo Testamento en matsés

⁹ Ënden shubu dadpen icquid Nasaded yacno icnëdaid Esus tantiaquido: Icsambocquid neque. Cuessunnemembi, quequin tantiapondambi.

Hechos 26:9 ပူးပေါင်းရင်းမြစ်များ

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 22:3

Isadaidbobidi nebi. Nidaid cuëshë utsi Sidisia caidën icquid shubu dadpen icquid Tadso yacnoshon tishaid nebi. Aden ashunquio tishaqui Edusaden yacno choash canipondabi. Adec nëmbo Edusaden yacnouësh canidosho nuqui tantiamequidquio Camadiedën nuquin tsusedpabon: Naden nata, quequin chiaid tantiamequin dada uamepondashi. Adoac Nuquin Papan: Naden nata, quequin chiaid tantiaquin adombuembidi nadenniombi mibitedishun nëbi nacpadombuembidi.

Hechos 22:4

Aden nabanquid icquimbi ënden Esus tantiaquido cuessun secate bunquin dadabobëta chidobo bedmeshun mëyanmequin quënën tsadunmepondambi.

Hechos 22:8

Adoaquimbi: ¿Tsutsi ne? capondac. Adoaquien: Nasaded yacno iccondaid mimbi mëyanaid Esus nebi, capondashi.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Hechos 3:17

Cun matses isadaidbo mibitedi neque. Tantia. Chuinu. Nuquin Papan Chomiaidquio nec, quequin tantienquio icquin min chuiquidobëtan mibitedishun Esus uënës uamiondac.

Hechos 3:6

Petedon: Piucquid cuna nibëdec. Umbi tantiaid Esuquidistu Nasaded yacno iccondaidën bëdanmiacpadec bëdanec nidtoash nidec nid, capanëdash.

Hechos 9:1

Adnubien Edusaden yacnouësh Esus tantiaquid utsi utsiec niquenubi Saudo Edusaden yacno tabadpanëdash. Ambo tabadec chushquec Esus tantiaquidtedi cuessunnemete bunec nëish iua cuessunneshun pichicaquidon chuiquid tapambo yacno nidash:

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Doma 10:2

Esus tantiabi icquin umbi chuidennecpadombuen chiec: Nuquin Papan chiacpadombuenuidi naquin bëdambuen ismembi, quebuedombi aidon bëdambuen ismete tantienquio iquec.

Pidipos 3:6

Adquid icquin Moisesën chiampiduidi nate bunquin icsambo icquido danquin Esus tantiaquido cuessun secamete bunquiondabi. Aden nasho ubipadquid utsibon: Mimbi icsambuen naic, catiapimbo iccondashi.

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.