Hechos 26:7 - El Nuevo Testamento en matsés

⁷ Nuquin tsusedpa Acobo cashumbic Isadaid caidën madobo 12tedshun tsiuecquido uënësacsho Nuquin Papan uincuenmete iquendac, quequin chiaid tantiaquido icquin Nuquin Papa tantiaquin caimpampic. Aidon cainampicpaden cainembi, quesho: Icsambocquid nec, ubi capec isadaidbon chuiquidon, quequin chuiquid tapa Aquidipa chuipanëdash.

Hechos 26:7 ပူးပေါင်းရင်းမြစ်များ

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Ducas 2:25

Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.

Ducas 22:30

Aden isadaidbo chuiquido icmiac ubëd icquin ubëtambi peshun aquec mibitedi tabadendac. Chuiquid icquin abuc tsadte icquidën tsadquin Acobon mado 12 ted icpampidën tsiuecquidon tsiuecquidonquien mibitedi namequid iquendac, quepanëdash Esus abëd icquido chiec.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 24:15

Adembidi matses uënësacsho Nuquin Papan bëdambocquidobëta icsambuen naquido uincuenmendac, quequin Nuquin Papan oncamiaidon chiampicpadembidi tantiembi.

Hechos 26:2

Chuiquid tapa Aquidipa, mimbi tantianubi isadaidbon: Icsambocquid nec, quequin muaquin ubi chuishumbued mibi chuibanec bëdambo iquebi.

Hechos 26:3

Isadaidbo tabadaidbëta aido chushcananaid mimbi tantiec. Aden tantiaquid mibi icsho umbi nabanaid chuibannuc chieshtoenquio icquin tantiata. Chuinu.

Hechos 28:20

Aden naoshi, quequin mibi chuinuen mibitedi chochomiombi. Uënësash uincuente iquec, quequin tantiaquin nuquin matses isadaidbon cainacpaden cainquid icsho bedshun mëtaniaid nebi, quepondash Pabado isadaidbon chuiquido chiec.

Pidipos 3:11

Adshun uënësaido uincuenmete uëshë cainec bëdambo iquebi, quequin tantiembi.

Tesadonica 1 3:10

Aido istantiadquio iquebi. Mimbi chiaid bëdiactsëc tantiasho aidobëd tabadquin mibi tantiaquidquio icmenuen bëdambuen chuibantsiambique. Ubi ambo nidmeta, Papa, quequin Nuquin Papa ënenquiocquin badiadquidën badiadquidënquien chiannembi. Adembidi inchëshquidën inchëshquidënquien chiannembi.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.