Hechos 26:20 - El Nuevo Testamento en matsés

²⁰ Shubu dadpen icquid Damasco yacnoshon bedanquin Esusën naid Chiaid Bëda chuibanondambi. Adshumbic Edusaden yacnoshontsen chuibanuaondambi. Adshumbic aid nidaid cuëshë Udea caid shubu utsi utsiec yacnoshontsen chuibenniondambi. Isadaidboba chuibanshumbic Isadaidpembotsen naden chuibanombi: Mimbi icsambuen naid ënshun Nuquin Papambo tantiaquin Aidën chiacpaden nabanta, quequin chuibampondambi.

Hechos 26:20 ပူးပေါင်းရင်းမြစ်များ

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Mateo 3:8

Mentomete bunec Nuquin Papan Chiaid niac niacbuedi ënash Aid tantiec bëdambuec tabadta.

Mateo 4:17

Ashunquiobi tauaquin Nuquin Papan Chiaid chuibanquin Esusën matses abitedimbo naden chuibampanëdash: Nuquin Papan namiacno iuedanquid nëmbobi iqueque. Mimbi icsambuen naid ënash Nuquin Papa tantiec bëdambuec tabadta, quepanëdash Esus.

Mateo 9:13

Nuquin Papan naden chiampid tantiashun bëdambuen naic nid. Nuquin Papa bëdambuen ismequin nëish iuauidtsëqui pichicainquiocquin naden nata. Icsambuen naquido icsho issun uënësquio icquin bëdambuen ista, quequin chiampid tantiata. Ubien: Abibi mua uadec: Bëdambo icquid nebi, quequid chuinuecpenquio chondabi. Icsambuen naquidombo: Nuquin Papan Chiaid niacniaquec icsaquid nebi, quesho: Ubi tantiata, canuec chondabi, quepondash Esus.

Madcos 6:12

Aden Esusën chiaquien abëd icquido nidannepanëdash. Adec nidshumbic: Mimbi icsambuen nabanaid ënshun Nuquin Papa tantiabenuata, quequin chuibampanëdash.

Ducas 1:16

Nuquin Papan Chiaid tantiaquidquio icquin aidën chiac isadaidbo dadpen Nuquin Papan Chiaid niac niacquid icbuedi: Cun Icbo Nuquin Papa nec. Aidën chiacpadombuen naimbi, quequin tantiabenendac.

Ducas 13:3

Padenquio. Icsambuen mibitedishun tantieque. Nuquin Papa tantiabenuaquin mimbi icsambuen naid ënenquiocquid yec mibitsen uënësendac.

Ducas 13:5

Padenquio. Icsambuen mibitedishun tantieque. Nuquin Papa tantiabenuaquin mimbi icsambuen naid ënenquiocquid yec mibitsen uënësendac, quepanëdash Esus abi chuimebuedo chiec.

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 15:7

Adecbidi: Nuquin Papa tantiaquid yec bëdambo iquebi, quequid 99ted icsho isash bëdiactsëc cuishonquenuc matses icsambuenshë naquid abentsëcshun ambi icsambuen naid ënquin Nuquin Papa tantiabensho isash abucuësh Nuquin Papabëd icquido: Bëdamboshë iquebi, quec cumapenec cuishonquecuededquiendac, quepanëdash Esus.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 15:19

Aden chuishumbic: Esus tantiaquid isadaidpembo icsho Nuquin tsusedpabon: Naden nata, quequin chiacpaden nabanta, cainquio icnuna. Esus tantiabenshun aton matsesën icsambuen tantiaquin nabanaid ma tantienquio icquin ëmpanu.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Hechos 26:17

Aden ubi chuibennesho mibi cuessunnete bunquid isadaidbobëd isadaidpembo icsho mibi mënchiquendambi. Aido chuibantan, quequin nëbi mibi nidmembi.

Hechos 26:19

Aid abucuësh isadcuenash onquesho tantiondashun chieshenquio icquin chuibennepondambi, caimbi mibi chuiquin, chuiquid tapa Aquidipa.

Hechos 3:19

Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 9:35

Adec Eneas capucuensho isash shubu dadpen icquid Dida yacnocquidobëdi nidaid Sadon caid yacnocquido dadpen Esus tantiaquid yampanëdash.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Codinto 2 3:16

Padnuen Esuquidistu tantiaquid Nuquin Papan Mayan Bëdan bëdambuen tantiamiaid yec Moisesën abi bëpucudaid chicacbimbuecquido nendac.

Codinto 2 7:10

Uënësquio icmiac: Nuquin Papan Chiaid niaccombi, queshun Esus tantiasho bëdambuen isquin Nuquin Papan ënëdtiapimbocnoc abëdi mibi tabadmendac. Padnuen abi tantiesabo uënësquio icmiac uënësquio icbudequi uënësendac.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Tesadonica 1 1:9

Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Esusën Uan ismiaid 16:11

Aden natiamiaqui: Ambi chiaid niac niacsho Nuquin Papan nuqui cuidquin naique. Nuqui icsambuen naid ënash aidën chiacpadec tabadnuna, quetiadquidëmbi: Paëmboshë yec chiuëmianec icsambo iquec, quequin Nuquin Papa icsambuen chuishunquin chushcabededposh.

Esusën Uan ismiaid 2:21

Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh.

Esusën Uan ismiaid 2:5

Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.

Esusën Uan ismiaid 3:3

Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.