Hechos 25:7 - El Nuevo Testamento en matsés

⁷ Aden bëmiac puduedsho isash cun matses isadaidbon chuiquido Edusaden yacnouësh chochobuedo Pabadon naid chiec abimbo chiacbimbuec muaic onquecuededpanëdash: Abimbo chiec. Nasho isombi, utsibo quetiapimbo icnuc.

Hechos 25:7 ပူးပေါင်းရင်းမြစ်များ

Mateo 15:1

Adnubien Moisesën chiampid tantiamequidobëd padiseobo shubu dadpen icquid Edusaden yacnouësh chochoshon naden Esus chuimepondash:

Ducas 23:10

Adnubien nëish iua cuessunneshun pichicaquidon chuiquidobëtan Moisesën chiampid tantiamequidon ambobi tabadquin: Esus icsambocquid nec, quec cumapenec cuëdcuededquin Edodes dadpen chuipanëdash.

Ducas 23:2

Aden Pidato yacno Esus bëec choash nadpanëdash: Nëidën chuibambued tantiashun: Icsambuen namianquid nec, quequin tantiaquin mibi yacno bëombi. Adquid icquin chuiquid tapa Sesadën: Piucquid tsasicquidëmpi bec cho, cac: Menenda, quiosh. Aidbidi: Isadaidbon chuiquid tapa Quidistu nebi, quiosh, quepanëdash isadaidbon chuiquido Pidato chiec.

Hechos 21:28

Isadaidbotedishun tantiata. Nëid dada: Isadaidbon icsambuen naic, quequin: Nuquin Papan: Naden nata, quequin Moises chuiquin dada uamiampid icsambo icquid nec, caosh. Adembidi Nuquin Papa tabadte shubu dapa icsambo iquec, quequin chuiquid icquin Nuquin Papa tabadte shubu dapan puduedtemaid isadaidpembo iuedquin nëid shubu bëdamboshëcquid icsa uamebued neque. Bednu. Uidën uata, quec abimbo chiacbimbuec cuëdcuededpanëdash.

Hechos 24:13

Pabadon icsambuen naosh, quequin Tedtudon umbi naid chuibambued: Abimbo caic, quetiapimbo utsibo iquec.

Hechos 25:24

Bëmiac Pabado nënantanquio nidtonobi Uesto nadpanëdash: Chuiquid tapa Aquidipa, mibëd iccuededquidobëtan umbi bëmebued mibitedishun isec. Aidi isadaidbon: Nëid dada icsambocquid neque. Cuessunneme, quequin cumapenec cuëdquin chuiposhi. Edusaden yacno ubi nidacsho issun adoposhi. Adombuembidi nëshuntsen Sesadea yacnoshon chuiuaposhi.

Tesadonica 1 2:16

Adquid icquin isadaidbon: Matses utsi isadaidpembo chuibannu, quesho ubi chuimenquio icpondash. Esus tantiasho Nuquin Papan bëdambuen isquin mibi cuidenquio iquendac, quequin umbi chuisho: Padi. Aid chienda. Cueschitomane, capondashi. Aden ambi icsambuen naid ënenquio icquin Ambi Chiaid niacniacsho Nuquin Papan aido cumapenen cuidquiendac.