Hechos 25:6 - El Nuevo Testamento en matsés

⁶ Adashic 9tedec ushash Edusaden yacnouësh puduanec nidec Uesto Sesadea yacno padpidec chopanëdash. Adashic badiadash matses chushquiaid tantiec tsadte dapan tsadtoshon Ueston isadaidbo tabadnubi Pabado bëmepanëdash.

Hechos 25:6 ပူးပေါင်းရင်းမြစ်များ

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Uanën dada uaid 19:13

Adsho tantiashun Esus puduenmeuatanec cuënote nacnenaid abuc tsadunaidën cuidte chuinuec tsadten Pidato tsadtopanëdash. Aid cuënote nacnenaid cuënquin cun onqueten Cabata capondash.

Hechos 25:1

Uesto cobednadod yanash Sesadea yacno choash 3tedec ushanec Edusaden yacno nidpanëdash.

Hechos 25:10

Adoaquien Pabadon: Doma yacnocquidon chuiquid tapambo empedadod caid Sesadën: Mibi yacnocquido cuidte chuiquid icta, caid icquin mimbimbo umbi naid chuisho tantiashun ubi cuidte chui. Isadaidbo icsambuen nambo iccombi. Abimbo Pabadon chiec, quequin mimbi tantiec.

Hechos 25:17

Aden chiac nëmbo aido chochoaid badiadash abi chushcaid aidon chuisho tantiec tsadnuec cuidte tsadte dapan tsadtoshon Pabado bëmiombi.

Hechos 25:4

Aden chuisho tantiashun Ueston: Sesadea yacnobi Pabado quënën tsadunaid icnuc ambo nidebique.

Hechos 25:5

Mibitedi utsi utsiec ubëdi nidanneshun ashunquio Pabadon icsambuen nabanaid ubi chuita, quepanëdash Uesto isadaidbon chuiquido caic.

Hechos 8:40

Adnubien Nuquin Papan Mayan Bëdan buanac Uedipe nidaid utsi Asoto caid yacnouësh isadcuempanëdash. Ambo capucuennequin shubu dadpen icquid yacno yacnombuen Chiaid Bëda Esus abided uënësaid chuibanequi shubu dadpen icquid Sesadea yacno chopanëdash.

Codinto 2 5:10

Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.

Santiaco 2:6

Nuquin Papan adoaid icshobi mibitedi: Tsadten tsadenquio yec nidaidën tsadta, cac: Icsambocquid nec, quequin ubi isec, quequin tantiec aidi tsadpec. Padnuen atona dadpen icquidon mibitedi utsi utsien chonuauaquin mëyanshun mibi daëdpactsëc ¿menenquioda ictiosh? Adquidon mua uaquin chuiquin mibitedi utsi utsien cuidte chuiquid yacno ¿buanenquioda ictiosh?