Hechos 25:23 - El Nuevo Testamento en matsés

²³ Aden Ueston chiaquien badiadash dashcute bëdaidquio dasiuidash aton chu Bedenisebëd Aquidipa choash matses iccuededte quënën puduedash sondadon chuiquidobëd chuiquid utsibo tabadpanëdash. Aido tabadsho issun Ueston Pabado bëmepanëdash.

Hechos 25:23 ပူးပေါင်းရင်းမြစ်များ

Madcos 6:21

Adec aton chido Uan cuessunnemete bunnubien aton bënën abi tishaid uëshë tantiaquin pemenuen nëidtedi chuiquido chochomepanëdash. Nëidic abëtan chuiquid. Nëidic sondadon chuiquid tapatedi. Nëidic nidaid Cadidea yacnocquidon chuiquid tapatedi quequin chochomepanëdash Edodesën.

Hechos 12:21

Adoaquien Edodesën: Umbi chiaid uëshën ma chouanu, quiosh Edodes, quequin chuita, cac chochoquido Bedaston chuipanëdash. Aden chiac Edodes onquesho tantianuec ambi chiaid uëshën matses dadpen chochonobi Edodes dashcute nacnacquiocquid dasiuidash chuiquid tapan tsadten abuc tsadtoash onquiampanëdash.

Hechos 25:13

Adashic daëdpactsëc ushash chuiquid tapa utsi Aquidipa cuëmëdquidbëd aton chu Bedenise cuëmëdquid Uesto isedec chopanëdash. Sesadea yacnocquido cobednadod Uesto yanosh, quequin chiac aid isec chopanëdash.

Hechos 26:30

Aden Pabadon chuibanaquien chuiquid Aquidipa nidtopanëdash. Adsho isash Uestobëd Bedenise nidtonoc iccuededquid utsibotsen nidtocuededpanëdash.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Codinto 1 7:31

Adecbidi nëid nidaidën tabadec mitsana dadpen bedteuidi bunquin tantiaquid iquequi atona nibëdec bedte bunenquio yacbimbuec tabadta. Nëid nidaid abichobi nuqui isaidtedi Nuquin Papan nibëdanmendac.

Santiaco 1:11

Tanunquio yec uëshë cumapenec chënquequidën cute bacuëec tuashquiaid bëdamboshë isadbuedi badedquio tididiquiash nibëdquiec chodquetequid nendac. Adquiecbidi atona dadpen icquid abi atona bedbanequi uënësec nibëdquio yanendac.

Petedo 1 1:24

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec.

Uan 1 2:16

Nuquin Papa tantiesabo icquin Aidën chiacpadombuen naisa nec. Adquid icquin abi bunacpadombuenuidi icsambuen nate bunquido nec. Utsina isash aid bedte cumapenec bunquido nec. Aden ambi bedaid caic: Umbi dadpen bedbued cuna dadpen icnuc bëdambo iquebi, quequido nec.