Hechos 25:10 - El Nuevo Testamento en matsés

¹⁰ Adoaquien Pabadon: Doma yacnocquidon chuiquid tapambo empedadod caid Sesadën: Mibi yacnocquido cuidte chuiquid icta, caid icquin mimbimbo umbi naid chuisho tantiashun ubi cuidte chui. Isadaidbo icsambuen nambo iccombi. Abimbo Pabadon chiec, quequin mimbi tantiec.

Hechos 25:10 ပူးပေါင်းရင်းမြစ်များ

Mateo 27:18

Naden tantiaquin Pidaton chuipanëdash: Esus chieshënquidon: Ubi chuiquid tapa icmenquio icquin Esus chuiquid tapa icmenushe, queshun chieshënquin isadaidbon chuiquidon Esus uënës uamete bunec, quequin Pidaton aden chuipanëdash.

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Hechos 23:29

Ambo buanmeshun isadaidbon naden chuisho tantiapombi: Nuquin tsusedpabon: Naden nata, quequin chiaid niacquid Pabado nec, quequin isadaidbon chuiquidon chuiposh. Adembidi ambi nabanaid Pabadon chuisho tantiashun: Cuidquin cuessunnetiadquio iquec, quetiapimbo iccobi. Quënën tsadunmenquioctiadquidi nec, quequin tantiaboshombi quënën tsadunmepombi.

Hechos 25:17

Aden chiac nëmbo aido chochoaid badiadash abi chushcaid aidon chuisho tantiec tsadnuec cuidte tsadte dapan tsadtoshon Pabado bëmiombi.

Hechos 25:25

Aden chuisho tantiashun Pabado ambi naid chuimeuapombi. Aden chuisho tantiashun ambi icsambuen naid nibëdnuc: Nëid cuessunnetiapimbo iquebi, quequin tantiapombi. Aden umbi tantianubi: Empedadod yacno nidshun umbi naid chuite bunebi, quequin Pabadon chuiposhi. Adoac Doma yacno buanmembi.

Hechos 25:6

Adashic 9tedec ushash Edusaden yacnouësh puduanec nidec Uesto Sesadea yacno padpidec chopanëdash. Adashic badiadash matses chushquiaid tantiec tsadte dapan tsadtoshon Ueston isadaidbo tabadnubi Pabado bëmepanëdash.

Hechos 26:31

Adec nidtocuededash aid quënënuësh puduen pueduenash Uestobëd Aquidipa chuinanec: Nëid dadan icsambuen naid nibëdec. Adsho cuessunnemenquien ictiad. Adembidi quënën tsadunenquio ictiadquidi nec, quepanëdash chuiquid abidaëdi.

Hechos 28:18

Aden meniac aid chuiquidën: Mimbi naid chuiban, cac chuibanondambi. Aden chuibansho tantiash: Cuessunnemenquio ictiadquidi mimbi naic, quepondash Doma yacnocquidon chuiquid ubi caic.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.