Hechos 24:8 - El Nuevo Testamento en matsés

⁸ Pabadon ambi naid chuisho mimbimbo tantiashun: Isadaidbo chuiquidon abimbo chiosh. Icsambocquid nec, quequin mimbi chuiuapatsiac, quepanëdash Tedtudo: Pabado icsambocquid nec, Uedis camenuec.

Hechos 24:8 ပူးပေါင်းရင်းမြစ်များ

Ducas 23:14

Esus ismequin Pidaton naden chuipanëdash: Nëid dada bëshun: Cun matses cuesnantiadpambo icnuc cuëdnanmec icsambuen namianquid nec, quequin mimbi ubi chuipoc. Adoac mibitedishun tantianubi aidbëd onqueshun: Icsamianquidpenquio nec, quequin tantiembi.

Hechos 23:30

Aden Pabado quënën tsadunmeboshombic: Pabado cuessunnenu, quequin isadaidbon podquied cuëmanshun cainec, quesho tantiashun badedquio mibi yacno buanmembi. Adembidi: Pabado icsambocquid nec, quequin aid cuessunnenu, quequido mibi yacno nidmembi. Adoac ma ambibi Pabadon icsambuen naid mibi chuinu, queshun.

Hechos 23:35

Aden chiaquien: Mibi icsambocquid nec, caquido chochoacsho issun mimbi nabanaid mibi chuimequin tantiembi, quepanëdash Uedis. Aden chiec onqueshumbic ënden chuiquid tapambo Edodes cuëmëdquidën shubu uaid yacno buanshun nauedmeshun Uedisën: Pabado puduenanec cuennushe. Ista, capanëdash sondado chuiquin.

Hechos 24:7

Adec: Cuidnu, quenubien comandante Disias cuëmëdquid choshon cumapenec cuëdquin Pabado mënchictanquin buamposh.

Hechos 24:9

Aden chuisho tantiash isadaidbotedi: Ai Tedtudon chiacpadec iccosh, quequin chuibededpanëdash.

Hechos 25:5

Mibitedi utsi utsiec ubëdi nidanneshun ashunquio Pabadon icsambuen nabanaid ubi chuita, quepanëdash Uesto isadaidbon chuiquido caic.