Hechos 24:18 - El Nuevo Testamento en matsés

¹⁸ Aden menenuec Nuquin Papa tabadte shubu dapa tsicatequin daquënë uaidën puduedobi. Adembidi Nuquin Papan: Naden nata, quequin chiacpadombuen nainquin nabanombi, quec ubi icsaid ucacbimbuen acte bëdambocquidën dapanmenuec puduedash ubentsëqui icsambuen nainquio yec capusho ubi chushcabuedon istuidposhi.

Hechos 24:18 ပူးပေါင်းရင်းမြစ်များ

Uanën dada uaid 18:21

Ubiuidtsëqui chuimenda. Umbi chuibansho tantiabuedotsen chuime. Adoac ambi tantiabuedtedi mibi chuitsiashe. Aido chuimeta, capondash Esusën.

Hechos 2:9

Ubitedi nëidtedi yacnouësh chochoquido nebi. Nidaid Padtia caid yacnouësh choquido. Utsibic Media yacnouësh choquido. Utsibic Edan yacnouësh choquido. Utsibic Mesopotamia yacnouësh choquido. Utsibic nidaid cuëshë Udea yacnouësh choquido. Utsibic nidaid cuëshë Capadosia yacnouësh choquido. Utsibic nidaid cuëshë Ponto yacnouësh choquido. Utsibic nidaid cuëshë Asia yacnouësh choquido.

Hechos 21:24

Nëbimbobi Edusaden yacno padpidec mibi choac. Nëid dadatedi buanec Nuquin Papa tabadte shubu dapa yacno nidash acte bëdambocquidën dapanshun mimbi ënden chiondacted piucquid meneshumbic aidonatsen meneshunta. Ma mimbi naondacpadombuen mibëd nidquidontsen ma matasmenu. Mimbi adosho issun: Pabado icsambo icquid nec, quequin chuibuedombi: Nuquin Papan: Naden nata, quequin chiacpaden naquidquio Pabado nec, quequin tantiatsiash.

Hechos 24:12

Ambo puduedash utsibëd chushcananenquio iccobi. Adembidi chuibanquin utsibo nëishmequin chushcamenquio iccombi. Nuquin Papan Chiaid chuibante shubun puduedshun adoenquio iccombi. Edusaden yacnocquido utsibotsen aden chushcamenquio iccombi.

Hechos 26:21

Aden chuibanquid icsho issun Nuquin Papa tabadte shubu dapa tsicatequin daquënë uaidën puduedash capusho issun isadaidbon bedshun cuessunnetsemposhi.

Hechos 6:9

Aden nadatiambocquin naquin ismiaqui bëdambuen tantienquio yec utsibo nëidtedi yacnocquido cumapenec cuëdcuededpanëdash. Nëidic Nuquin Papan Chiaid chuibante shubun puduedquido iua iccondaidi iuapenquio yanaido. Nëidic shubu dadpen icquid Sidene yacnouësh choquido. Utsibic shubu dadpen icquid Adejandedia caid yacnouësh choquido. Utsibic nidaid cuëshë Sidisia caid yacnouësh choquido. Utsibic nidaid cuëshë Asia caid yacnouësh choquido. Aidtedi Edusaden yacno chochoash tabadquin Esteban chiec: Icsambuen mimbi chiec, quequin chuibededpanëdash.