Hechos 24:14 - El Nuevo Testamento en matsés

¹⁴ Nëiduidtsëqui abimbo iqueque. Tantia. Chuinu. Cun tsusedpabon Papa campicpaden Nuquin Papan Chomiaid tantiesa isadaidbon chuiquido icnubi aid tantiaquid nebi. Adembidi Nuquin Papan: Naden nata, quequin chiaidbëta Nuquin Papan oncamiaidon dada uaquin chiampid: Abimbo iquec, quequin tantiembi.

Hechos 24:14 ပူးပေါင်းရင်းမြစ်များ

Mateo 10:32

Adshumbic padpiden chuiuaic: Utsibon tantianubi: Esus tantiaquid nebi, quequin abimbo chuiquid icsho issun adombuembidi Nuquin Papa yacno chosho: Nëid ubi tantiaquid neque. Puduedmeta, Papa, quequin Nuquin Papambo chiendambi.

Mateo 22:40

Aden Nuquin Papa tantiaquioquin utsibo tantiaquiembi, quequin chiaid matses bëdambuen namenuen Nuquin Papan Ambi Chiaid utsi abitedi Moisesba chuishun nuquin tsusedpa Nuquin Papan oncamiaido chuiquin dada uamepampic, quequin Esusën bëdambuen chuipondash.

Mateo 7:12

Nuquin Papa tantiaquido icquin utsibo tantiaquin bëdambuen nashunta. Utsibo caic: Aidon ubi nashumpashun, quequin mimbibi otacquio tantiacpadombuembidi utsibotsen nashunta. Aden Nuquin Papan Ambi Chiaid Moises dada uamiampidbëta ambi oncamiaidon dada uaquin chiampicpadombuen mimbi natsiaque. Aden utsibo nashunta, quequin Esusën chuipanëdash.

Ducas 1:70

Aid chote Nuquin Papan tantiamiacpadombuen ëndenquimbo ambi oncamiaidon chuipampic.

Ducas 16:16

Adembidi acten mentoanquid Uan tishabicnuc Nuquin Papan: Naden nata, quequin chiaid Moisesën dada uampidbëta Nuquin Papan oncamiaidon dada uampid mimbi ënden tantiondaid nec. Nuquin Papan namiacno tabadte iquec, quequin Chiaid Bëda umbi chuibansho tantiash ubi tantienquio yequi dadpen ambo puduedte bunquiec.

Ducas 16:29

Adoaquien: Nuquin Papan Chiaid Moisesën dada uampidbëta Nuquin Papan oncamiampidon dada uaid issun ma aidon chiacpaden min utsibon tantiashun napanuna, quequin Abadauanën chuiposh.

Ducas 24:27

Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Uanën dada uaid 1:45

Esusbëd icquid yanash Natanaed chiec Uedipe nidpondash. Adec nidquin istuidshumbien: Isec cho. Moisesbëtan Nuquin Papan oncamiaidon chuiquin: Bëdamboshëcquid choendac, quequin dada uaquin chiampid iccoshe. En isec cho. Aidi shubu dadpen icquid Nasaded caid yacnouësh caniquid Esus Osen mado nioshe, capanëdash.

Hechos 10:43

Adembidi Nuquin Papan oncamiaidon Esus tantiaquin: Nuquin Papan Chomiaid Quidistu Mesias iquendac, quequin chuiquin dada uapampic. Aden chiampid icnuc aid tantiashouidtsëqui ambi icsambuen naid tantienquio yec Nuquin Papa bëshunendac, quequin chiampid iquec, quepanëdash Petedo Codnedion shubun iccuededquido tantiamequin chiec.

Hechos 13:15

Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.

Hechos 15:5

Aden chiac utsi utsiec Esus tantiaquid padiseobo: Nuquin Papan: Naden nata, quequin chiampid tantiaquin isadaidpembotsen shui dëbid dëtemetiadquidi nec. Adashic: Nuquin Papan: Naden nata, quequin Moises dada uamiampidtedi nabanmetiadquidi neuaic, quequin chuipanëdash.

Hechos 19:23

Epeso yacnoshon: Nuquin Papa yacno tabadmianquid iquec, quequin Pabadon chuibanaquien Esus tantiesabo nëishquiash chushquecuededpanëdash.

Hechos 19:9

Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 22:14

Adsho isash Ananias: Nuquin tsusedpabon Papa campid Nuquin Papan ambi tantiacpaden: Naden nata, quequin chuiquin mibi tantiamendac. Adembidi ambi Chomiaid Esus Nuquin Papan: Naden nac bëdambo ictsiash, quequin naquidquio mibi ismendac. Aidën chuisho mimbi tantiendac.

Hechos 24:22

Aden Pabadon chuisho tantiash: Nuquin Papa yacno tabadmianquid iquec, quequin utsibon chuisho tantiabued yec: Nëbi mibitedishun chuibansho tantiombi. Comandante Disias nëmbo choshon chiac tantiashun mibi padpiden chuimembi, quepanëdash Uedis Pabadobëta isadaidbon chuiquido chiec.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Hechos 25:8

Aden isadaidbon chuisho tantiashun Pabadon naden chuipanëdash: Umbimbo isadaidbon: Naden nata, quequin chiaid niacambo iccombi. Adembidi Nuquin Papa tabadte shubu dapa yacno nidash aid shubun puduedtemaid isadaidpembobëd puduedambo iccobi. Adembidi chuiquid tapa empedadod caid Doma yacno tabadquid Sesadën chiaid niacambo iccombi, quepanëdash Pabado.

Hechos 26:22

Adoshobi ubi dayun uaquid icquin Nuquin Papan: Udiubon cuessunnenushe, queshun cudasëmposhi. Adoac nëbi mibëtabi mimbi namiaido chuibanec nebi, chuiquid Aquidipa. Moisesën: Naden nata, quequin dada uampicpaden chuibanquid nebi. Nuquin Papan oncamiaid utsibon: Nadquid iquendac, quequin chiampicpaden chuibanquidbidi nebi. Aidon chiampid nadquio iqueque. Tantia.

Hechos 26:27

Nuquin Papan oncamiaidon: Adquid iquendac, quequin chuiquin dada uampid chuisho mimbi: Abimbo chiec, quequin ¿ada tantie? Ai, mimbi tantiec, capanëdash Pabadon chuiquid tapa Aquidipa chuiquin.

Hechos 26:4

Ubi tishondacnouësh canidosho cun matses isadaidbon ispondashi. Auësh caniquid yec Edusaden yacno choash tabadsho adembidi aidon isuapondashi.

Hechos 26:6

Uënësash uincuentequid iqueque. Aid cainec tabadta, quequin Nuquin Papan nuquin tsusedpabo chiampicpaden chuiquin dada uamiampid tantiaquid icsho: Icsambocquid nec, quequin isadaidbon ubi chuishunec.

Hechos 28:22

Padnueni mimbi tantiaid mimbi chuisho tantiate bunec. Utsiboen nidaid utsi utsiec yacno tabadquido: Quidistubo icsambocquid nec, quepec, quepondash Doma yacnocquid isadaidbon chuiquido Pabado caic.

Hechos 28:23

Aden Pabadon tantiaid tantianuec: Nëidted ushash padpidec chouaindabi, quianec nidannepondash chuiquido. Adec nidanniash ambi chiactedec ushash Pabado tabadacno isadaidbon chuiquidobëd utsibo dadpen chochopondash. Adec chochoash tabadsho issun aido tantiamequin: Nuquin Papan namiacno tabadte iquec, quequin Esus tantiaquid icmenu, quequin Nuquin Papan: Naden nata, quequin Moises dada uamiampidbëta Nuquin Papan oncamiaido chuiquin dada uampid chuibampanëdash. Aden chuibanquin badiadnuc chuiquin bedanshun inchëshbudtsëqui chuibanquin Pabadon ëmpondash.

Hechos 3:13

Aidi Abadauan yec Isac yec Acobo yec nuquin tsusedpabo yec quequidon Papa campidën naid nec. Aidëmbi ambi nidaidën chomiaid icsho Esus nëbi abitedishun Icbombo icmiac Nuquin Papan dayun tabaduaic. Aidi Aton Papa yacno nidabicsho bedmeshun Pidato meniaquien: Nëid dada icsambuen naisa neque. Nidmenu, quequin tantiaquin Pidaton chiaqui: Icsambocquid neque. Uënës uamequimbien ictiad, quequin mibitedishun chuipondac.

Hechos 5:30

Esus mibitedishun cueste napotiaidën dectanquin uënës uamiondaid nuquin tsusedpabon Papa campid Nuquin Papambien uincuenmepaccondash.

Hechos 7:32

Min tsusedpa Abadauan yec Isac yec Acobo yec quequidon Papa campid nebi, quesho tantiash dacuëdec uëdëquec Moises istiapimbo icpampic.

Hechos 9:2

Shubu dadpen icquid Damasco yacno nidshun chiaid chuca tantiamiaido Esus tantiaquido dadabobëtabi chidobo bedmequin tanemeshun Edusaden yacno bëmete bunebique. Aden dada uashun ¿ada dada uaid ubi menetsia? Ai adota, quequin mimbi dada uaid meniac shubu dadpen icquid Damasco yacno nidshun Nuquin Papan Chiaid chuibante shubu utsi utsiec yacno nidshun ambo chuibanquid mimbi dada uaid ismiac: Adota, queuatsiash, quequin chuipanëdash Saudon.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 3:21

Ambi chiacpadombuenuidi natiapimbo yec matses icsambuec tabadsho issun ëndenquimboshë Nuquin Papan ambi matses bëdambuen iste chuiquin Moisesbëta ambi oncamiaido dada uamepampic.

Codinto 1 11:19

Adec cuësh cuëshëdquid mibi yacno icac bëdambo ictsiash. Adec utsi utsiec cuëshëdsho issun mimbi naden tantiatsiac. Cuësh cuëshëdenquiocquid icsho issun: Chieshtoenquio icquin Esus tantiaquidombo nec, quequin mimbi tantiatsiac.

Cadasia 5:20

Nëidic ambibi nacnenshun papa caquido. Nëidic nënëchoquido. Nëidic chieshëmënquido. Nëidic chieshëmënec chushcananquido. Nëidic utsina isash cumapenec bunquido. Nëidic badedquio chieshtoquido. Nëidic ambi naiduidi naquido. Nëidic cuësh cuëshëdmianquido. Nëidic: Utsin chiaid tantiatiapimbo iquebi. Umbentsëqui bëdambuen chiembi, quequido.

Timoteo 2 1:3

Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.

Tito 3:10

Aden icsambuen chuiquin Esus tantiaquido cuëshëdmete bunquid icsho bëdambuen tantiamenu, quequin chomeshun chuita. Aden chiaqui niacbidanquin adombuembidi padpiden chuiuasho tantiashun aidi bëdambuen chuibanquin tantiameuata. Aden chiaqui padpidembuen niacbidanquin adombuembidi chuiuasho tantiashun Esus tantiaquido iccuededacno puduedmenda, Tito.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.