Hechos 24:10 - El Nuevo Testamento en matsés

¹⁰ Adsho tantiashun: Onque, quequin mëdante uiccaquin Uedisën ismiac Pabado nadec onquepanëdash: Chuiquid tapan tantiata. Umbitsen chuinu. Dadpen seta matanmequin cun matses isadaidbo abi chushcananaid tantiashun mimbi bëdambuen tantiaquin nacnenshundennioc. Adquid mibi nec, quequin tantiaquin: Umbi naid mibi chuibanec bëdambo iquebi.

Hechos 24:10 ပူးပေါင်းရင်းမြစ်များ

Ducas 12:11

Adquid icnuc: Esus tantiaquid nec, queshun mibitedi chieshënquin bedshun utsi utsien Nuquin Papan Chiaid chuibante shubuno buanendac. Utsibic cuidte chuiquid yacno buanendac. Utsibic chuiquid tapabo yacno buanendac. Adoac: Icsambuen nambo iccombi, quequin tantiec: ¿atotsimbi chuiquid chuipeba? quec natienda.

Ducas 12:14

Adoaquien Esusën: ¿Buchibëta mibi namequidtabi nepe? quepanëdash abi: Chuita, caquid caic.

Ducas 18:2

Shubu dadpen icquid yacno cuidte chuiquid icposh. Aidi Nuquin Papa dacuëdënesa yec matses tantiesa neposh.

Hechos 12:17

Adshobien mëdante uic uiccaquin Petedon: Onquenquio yec tabadquin tantiata. Nuquin Icbon nabued mibi chuibannu, queshun abi quënën tsadunacnoshon Nuquin Papan abëd icquid chomequin puduenmiaid Petedon chuibampanëdash. Aden chuitanec: Umbi chuibambued Esusën utsi Santiacobëta Esus tantiaquid utsibo chuitanta, quianec puduenanec shubu utsi yacno Petedo nidpanëdash.

Hechos 13:16

Adoaquien abi tsadacnouëshi nidtoash otacquio tabadmenuen mëdante uic uiccashun Pabadon: Nuquin Papa tantiaquido icsho Nuquin Papan naid mibi chuibannu. Tantiaquiota, isadaidbo. Adembidi Nuquin Papa tantiaquido icquin matses utsibontsen tantiata.

Hechos 18:15

Aden icsambuen naid chienquio yec: Cun matsesën tantiaidbëta cun matsesën Papa cain cuënaid icsambuen chuiquid nec, mibi quepec. Adecbidi: Ubitedishun natemaid icsambuen chuiquidquio nëid dada nec, mibi queuapec. Aden mimbi min matsesën naid chuisho tantiashun: Ubi chienquiocquin mibitedishumbi nacnenta, quequin Cadionën chuipanëdash.

Hechos 19:33

Adnubien: Ubitedishun naid bëdambuen tantiamenuen chuitan, quequin isadaidbon Adejando cuëmëdquid tsicunniac nënantanquio nidtoshon mëdante uic uiccaic: Otacquio tabadquin tantiata. Chuibannu, quetanquin

Hechos 21:40

Adoaquien: Ai chuita, capanëdash sondadon chuiquidën. Adoac abuc dectatoten dectatoshon nidtomiac chiec: Otacquio tabad, quequin ismequin Pabadon aton mëdante uic uiccapanëdash. Aden nasho isash isadaidbo otacquio tabadsho isash: Cun matsesën onqueten ebedeon mibi chuinu. Tantia, quec nadec Pabado onquedopanëdash:

Hechos 23:24

Adembidi Pabado cobednadod Uedis yacno bëdambuen buannun cabachu catsadmenuen nacnenta, capanëdash comandanten sondadon chuiquid capitan daëd chuiquin.

Hechos 26:1

Aden Ueston chiaquien: Mibibi onquequin mimbi naid chui. Tantianu, quepanëdash Aquidipa Pabado caic. Adoaquien aton mëdante cadoec Pabado nadpanëdash:

Petedo 1 3:15

Dacuëdenquio icquin: Cun Icbo Esuquidistu nec, quequin tantiaquin aidën chiacpadombuen nata. Aden mimbi tantiasho isash utsibo: ¿Mitsipaden tantiaquin Esus tantiaquin nai? quesho tantiashun: Ambi chuinëdacpadombuen abi tantiec uënësacsho abi yacno ubi tabadmendac, queshun Esus tantiembi, quequin utsibo chuibanta.