Hechos 24:1 - El Nuevo Testamento en matsés

¹ Adashic 4tedec ushash Nuquin Papa ismequin nëish iua cuessunneshun pichicaquidon chuiquid tapambo Ananiasbëd isadaidbon chuiquido tsësiobo utsi utsiec Pabadon icsambuen naid Uedis chuinuec Sesadea yacno chochopanëdash. Icsambocquid nec, quequin chuibanquid Tedtudo cuëmëdquidtsen bëpanëdash.

Hechos 24:1 ပူးပေါင်းရင်းမြစ်များ

Hechos 12:21

Adoaquien Edodesën: Umbi chiaid uëshën ma chouanu, quiosh Edodes, quequin chuita, cac chochoquido Bedaston chuipanëdash. Aden chiac Edodes onquesho tantianuec ambi chiaid uëshën matses dadpen chochonobi Edodes dashcute nacnacquiocquid dasiuidash chuiquid tapan tsadten abuc tsadtoash onquiampanëdash.

Hechos 21:27

Adashic 6tedec ushquin naimbudnubi Pabado Nuquin Papa tabadte shubu dapa yacno nidash tsicatiaidën puduedash capusho nidaid Asia caid yacnouësh chochoquido isadaidbon ispanëdash. Aden isash Pabado bedmete bunec: Isadaidbo utsibo nëishmenu, quequin cumapenec cuëdquin:

Hechos 23:2

Aden chuisho tantiashun Nuquin Papa ismequin nëish iua cuessunneshun pichicaquidon chuiquid tapanquio Ananiasën: Muaquin chieque. Ëccues, capanëdash Pabadon dayun tabadquido chuiquin.

Hechos 23:24

Adembidi Pabado cobednadod Uedis yacno bëdambuen buannun cabachu catsadmenuen nacnenta, capanëdash comandanten sondadon chuiquid capitan daëd chuiquin.

Hechos 23:30

Aden Pabado quënën tsadunmeboshombic: Pabado cuessunnenu, quequin isadaidbon podquied cuëmanshun cainec, quesho tantiashun badedquio mibi yacno buanmembi. Adembidi: Pabado icsambocquid nec, quequin aid cuessunnenu, quequido mibi yacno nidmembi. Adoac ma ambibi Pabadon icsambuen naid mibi chuinu, queshun.

Hechos 23:33

Adec Pabado buanec nidequi Sesadea yacno choshon cabachu catsadquidën chuiquid comandante Cadaudio Disiasën dada uaidbëta Pabado Uedis menepanëdash.

Hechos 23:35

Aden chiaquien: Mibi icsambocquid nec, caquido chochoacsho issun mimbi nabanaid mibi chuimequin tantiembi, quepanëdash Uedis. Aden chiec onqueshumbic ënden chuiquid tapambo Edodes cuëmëdquidën shubu uaid yacno buanshun nauedmeshun Uedisën: Pabado puduenanec cuennushe. Ista, capanëdash sondado chuiquin.

Hechos 24:11

Edusaden yacno nidash ambobi 11tedec ushpobi. Ubi amboshon isbuedon: Abimbo caic, quequin nëmbo choshon mibi chuitsiash. Edusaden yacnouësh Nuquin Papa tabadte shubu dapa tsicatequin daquënë uaidën Nuquin Papa tantiec puduedtennepobi.

Hechos 24:2

Aido chochoacsho issun Uedisën Pabado chomiacsho issun isadaidbon chuiquidon tantiacpaden chuinu, quequidën Tedtudon naden Uedis chuipanëdash: Tantia. Mibi chuinu. Chuiquid bëdambocquid icquin mimbi bëdambuen namebanac isadaidbo bëdambuec tabadec. Adembidi aido nashunnuen dadpen mimbi nacnenmec.

Hechos 25:15

Aidi nëmbo icnubi Edusaden yacno nidobi. Ambo nidacsho issun: Pabado icsambocquid neque. Cuessunneta, quequin nëish iua cuessunneshun pichicaquidon chuiquidobëtan isadaidbon chuiquid utsibon chuiposhi.

Hechos 25:2

Adec ambo nidash tabadsho Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquidon Pabado chieshënquin naden chuipanëdash:

Codinto 1 2:1

Cun utsibo, mibi yacno nidshun Nuquin Papan ambi matses tantiamenquio icpampidi cumapenen tantiaquidquio nebi, quenquio icquin mibitedi bëdambuen chuinuec nidondabi.

Codinto 1 2:4

Adshunquio: Dadpen tantiaquidquio yec bëdambuec onquequidquio nebique. Umbimbo tantiamebennu, quenquio icquin Esus chuibanondambi. Adenquio icquin: Ma Nuquin Papan Mayanëmbi nadatiambocquin tantiamenu, queshun umbi chuibannubi Aidëmbi mibitedi tantiamiondash.