Hechos 22:3 - El Nuevo Testamento en matsés

³ Isadaidbobidi nebi. Nidaid cuëshë utsi Sidisia caidën icquid shubu dadpen icquid Tadso yacnoshon tishaid nebi. Aden ashunquio tishaqui Edusaden yacno choash canipondabi. Adec nëmbo Edusaden yacnouësh canidosho nuqui tantiamequidquio Camadiedën nuquin tsusedpabon: Naden nata, quequin chiaid tantiamequin dada uamepondashi. Adoac Nuquin Papan: Naden nata, quequin chiaid tantiaquin adombuembidi nadenniombi mibitedishun nëbi nacpadombuembidi.

Hechos 22:3 ပူးပေါင်းရင်းမြစ်များ

Ducas 10:39

Adoac ambo puduedash tsadquin Esusën chuibansho datsadbudshun Madtan chibi Madian tantiapanëdash.

Ducas 2:46

Adec choshon daëdec ushquin nibënshun Nuquin Papa tabadte shubu dapa daquënë uaidën puduedshun Esus tsadsho istuidpanëdash. Ambo tsadquin Moisesën chiampid tantiamequidon chuisho tantiashun bëdambuen chuimesho Esus istuidpanëdash.

Ducas 8:35

Adoac ambocquido: Istannu, quianec Esus yacno chochopanëdash. Adec chochoshon podobitsi icsa dapuduenmequin bëdanmiaid dashcute dasiuidash bëdambuen tantiabenash Esusën dayun tsadec onquesho istuidpanëdash. Adsho isash: Uinsadpambo iquec, quiash dacuëdcuededpanëdash.

Hechos 11:25

Adashic Antioquia yacnouësh puduanec Saudo bednuec Bednabe nidec shubu dadpen icquid Tadso yacno nidshun

Hechos 15:23

Isadaidpembo chuiquin Edusaden yacnoshon Esus tantiaquidon naden dada uapanëdash: Esus chuibennequido yec Esus tantiaquidon chuiquid tapabo yec min utsibo Esus tantiaquido yec quec Edusaden yacnocquido nebi. Mibi cun utsibo nec. Isadaidpembo Esus tantiaquido Antioquia yacno tabadquido yec nidaid Sidia yacno tabadquido yec nidaid utsi Sidisia yacno tabadquido yec quesho mibitedi tantiembi, quequin chuiquin dada uaombique. Isec onqueta.

Hechos 15:41

Adec nidec nidaid Sidia caid yacno nidash capucuennequin Esus tantiaquido bëdambuen tantiamenuen chuibampanëdash. Aden chuibenneshumbic nidaid Sidisia yacnotsen nidshun Esus tantiaquido chuiquin: Adembidi Esus tantianuna, quequin Pabadon chuibanuapanëdash.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 21:39

Adoaquien Pabadon: Isadaidbon tishaid nebi. Nidaid Sidisia caidën icquid shubu dadpen icquid Tadso caid bëdambocquid yacnoshon tishaid yec cun matses chuibante bunebique. ¿Adambi cun matses chuipatsia? capanëdash.

Hechos 23:34

Aden meniac dada uaid isbanash: ¿Mitsicquid nidaidën icquid ne? capanëdash cobednadod caid Uedisën Pabado chuiquin. Adoaquien Pabadon: Nidaid Sidisia caid yacnoshon tishaid nebi, capanëdash.

Hechos 23:6

Aden chuishumbic: Iccuededquid utsi utsiec saduseobobëd icquido icnubi utsi utsiec padiseobobëd icquido iquec, quequin tantiec: Tantia. Chuinu, cun matses. Padiseobon tishmiaid yec padiseobo nebi. Adquid icquin: Uënësash uincuentequid iquec, quequin tantiaquid icsho: Icsambocquid nec, quequin mimbi ubi chiec, quec cumapenec onquequin Pabadon iccuededquido chuipanëdash.

Hechos 26:5

Padiseobo icquin padiseobon: Naden nata, quequin chiaidtedi niaquesambo nebi. Padiseobon: Pabado adquid nec, quequin chuitiadquidi nec.

Hechos 26:9

Ënden shubu dadpen icquid Nasaded yacno icnëdaid Esus tantiaquido: Icsambocquid neque. Cuessunnemembi, quequin tantiapondambi.

Hechos 5:34

Adnubien isadaidbo utsi padiseobo Nuquin Papan Moises dada uamiampid chuibanquin tantiamequid utsibon bëdambuen isaid icquin Camadied cuëmëdquidën: Chiata. Nuquiuidtsëqui onquenun Esus chuibennequidotedi umanuc buantan, cac

Hechos 6:9

Aden nadatiambocquin naquin ismiaqui bëdambuen tantienquio yec utsibo nëidtedi yacnocquido cumapenec cuëdcuededpanëdash. Nëidic Nuquin Papan Chiaid chuibante shubun puduedquido iua iccondaidi iuapenquio yanaido. Nëidic shubu dadpen icquid Sidene yacnouësh choquido. Utsibic shubu dadpen icquid Adejandedia caid yacnouësh choquido. Utsibic nidaid cuëshë Sidisia caid yacnouësh choquido. Utsibic nidaid cuëshë Asia caid yacnouësh choquido. Aidtedi Edusaden yacno chochoash tabadquin Esteban chiec: Icsambuen mimbi chiec, quequin chuibededpanëdash.

Hechos 9:1

Adnubien Edusaden yacnouësh Esus tantiaquid utsi utsiec niquenubi Saudo Edusaden yacno tabadpanëdash. Ambo tabadec chushquec Esus tantiaquidtedi cuessunnemete bunec nëish iua cuessunneshun pichicaquidon chuiquid tapambo yacno nidash:

Hechos 9:11

Adshobien: Nidtoash podquied Cuembocquid caid yacno nidtan. Ambo nidshun Udasën shubun puduedquin: Shubu dadpen icquid Tadso caid yacnoshon tishaid Saudo cuëmëdquid ¿ada iquec? quequin chuita. Aidi Nuquin Papa chiec tsadec.

Hechos 9:30

Adec Saudo cuessunnete bunsho tantiashun Sesadea caid yacnoba Esus tantiaquidon Saudo buanshun abi tishnëdacno Tadso caid yacno Saudouidtsëqui nidmepanëdash.

Doma 11:1

Tantia. Chuinu. ¿Ada Nuquin Papan aton matses isadaidbo tantiatiapimbo icquin chieshëmpec? Padenquio. Isadaidbombo nebi. Cun tsusedpa Abadauanën tsiuecquid Benjaminën tsiuecquidon tsiuecquid nebi.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Cadasia 1:14

Nuquin Papa tantiate bunquimbi cun matsesën chiaid abitedimbo tantiaquin naquidquio icpadennebi. Ubëta tishaid caniabon bëdiactsëc tantiaquin nanubi ubimbo cun tsusedpabon chiaiduidi tantiaquin nate bumpadennebi.

Cadasia 1:21

Aden Edusaden yacno istanec choashic iuec iuecpambo ictanec nidaid cuëshë utsi Sidiabëta nidaid cuëshë utsi Sidisia caid yacno isec nidondabi.