Hechos 22:21 - El Nuevo Testamento en matsés

²¹ Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 22:21 ပူးပေါင်းရင်းမြစ်များ

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 18:6

Aden chiac: Aid tantiatiapi, quequin isadaidbon icsambuen chuishunac abi dasiuidaid dashcute bëntsecquid chicshun sequecaquin nidaid putu idmequin Pabadon: Mibitedi Esus chuibanombi. Aid tantiesa yec uënësash Nuquin Papa yacno puduedenquio mibitedi iquendac. Adquid Nuquin Papan cuidquin nësecatequid nendac. Nëbi padpiden mibi chienquio icquin isadaidpembo chuibanec nidebi, quequin chuipanëdash.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 11:13

Tantia, matses utsibo. Mibitedi chuinu. Nuquin Papan mibi yacno nidmiac Esusën naid chuibennec bëdambo iquebi. Nëid umbi chuibanaid bëdamboshëcquid nec.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Doma 16:26

Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac.

Epeso 3:3

Nuquin Papan ënden ambi matses tantiamenquio icpampidi tantiamiac daëdpactsëc dada uaquin mibitedi chiondambi.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Timoteo 2 1:11

Aden tantiaquid icsho Nuquin Papan: Esus chuibennequid icta, capondashi. Adoac nidaid utsi utsiec yacno nidshun Nuquin Papabëta Esus chuibennequin tantiamebennequidquio nebi.