Hechos 21:7 - El Nuevo Testamento en matsés

⁷ Adec Tido yacnouësh nidequi shubu dadpen icquid Todemaida yacno Pabadobëd choquin ambobi acte dapa mad caidën nidquin cuëscapondambi. Ambo choquin Esus tantiaquido istuidash aidobëd abentsec ushec tabadpondabi.

Hechos 21:7 ပူးပေါင်းရင်းမြစ်များ

Mateo 5:47

¿Min matsesadobëduidtsëqui onquec: Mibi tantiembi, quec bëdamboda mibitedi icpe? Nuquin Papa tantiesaboen adec tabadpec.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 12:20

Adec nidash ambo tabadnubi Sesadea caid anoentsëc shubu dadpen icquid Tido caid yacnocquidobëta shubu dadpen icquid utsi Sidon caid yacnocquido Edodesën nëishëmpanëdash. Adash chushcananquido icbuedi padenquio yanec tabadpanëdash. Adec tabadquin: Sesadea yacno Edodes choash tabadosh, quesho tantiash Edodes nashunquid Bedasto cuëmëdquidbëd onquenuec chochopanëdash. Ambo chochoshon: Umbi pete nibëdsho issun Edodesën namiaidon menioshi. Nëbi aid chushcainquio iquembi, quequin chochoquidon chuituidpanëdash. Aden chiac adombuembidi Bedaston Edodes chuiuapanëdash.

Hechos 18:22

Canon nidequi shubu dadpen icquid Sesadea yacnoba choash pudundoanec Edusaden yacno nidash Esus tantiaquido iccuededacno nidshun isanec nidequi shubu dadpen icquid Antioquia yacno Pabado niduapanëdash.

Hechos 21:10

Adec Uedipebëd iuec ushec tabadnubi Nuquin Papan oncamiaid dada Acabo cuëmëdquid nidaid Udea yacnouësh chopondash.

Hechos 21:17

Adec Edusaden yacno choacsho Esus tantiaquidon: Bëdambo iquec, quiash cuishonquequin Pabadobëta ubitedi iuedpondash.

Hechos 21:19

Adec aidtedi icsho issun: Mibi isec chobi, quetanquin: Umbi Esuquidistu chuibannubi Nuquin Papan tantiamiac isadaidpembo dadpen Esus tantiaquido yanosh, quequin Pabadon dadpen chuibampondash.

Hechos 21:3

Adec nidquimbi acte nënantan nidaid nacnëdquid Chipide caid copiocquid datambidanec nidaid utsi Sidia caid yacnotsen choash shubu dadpen icquid Tido yacno chopondash. Ambo choshon ambi ansandoshon bëaid icbo yacno sambudmepondash.

Hechos 25:13

Adashic daëdpactsëc ushash chuiquid tapa utsi Aquidipa cuëmëdquidbëd aton chu Bedenise cuëmëdquid Uesto isedec chopanëdash. Sesadea yacnocquido cobednadod Uesto yanosh, quequin chiac aid isec chopanëdash.

Hechos 28:12

Aidën puduanec nidequi acte nënantan nidaid nacnëdquid tapa Sidisia caidën shubu dadpen icquid Sidacusa caid yacno choash daëdec ushec ambo tabadpondabi.

Ebedeo 13:24

Mibëd icquid Esus tantiaquidobëta mibi chuibanquidtedi chuiquin: Mibi tantiec tsadebi, quiosh, quequin chuita. Adembidi umbitsen mibi tantiembi, quiosh, quequin chuita, queuapec Esus tantiaquido nëuëshquio Itadia yacno tabadquido.