Hechos 21:5 - El Nuevo Testamento en matsés

⁵ Aden chuiboc 6ted ushtanec: Nidnunid, quepondash Pabado. Adec: Nidnu, quesho tantiash Esus tantiaquido dada yec chido yec bacuëbo yec quec Pabadobëd ubitedi acte cuëman chochoash dannëshën tinquebudcuededshun Nuquin Papa chiec onquecuededpondabi.

Hechos 21:5 ပူးပေါင်းရင်းမြစ်များ

Mateo 14:21

Aden peboedo dadatedi tambanac 5midted icpondash. Chidobobëta bacuëbo tambanambo icpondambi.

Madcos 1:40

Aden Esusën chuibannubien dada aton dada daush daushpambo yec daicsaidquio chopanëdash. Esus yacno choequi dannëshën sebudec tinquebudshun chiec: Ubi bëdanmete bunquin mimbi ubi bëdanmetsiaque. Ubi bëdanme, Icbo, quequin Esus chuipanëdash.

Ducas 22:41

Aden chianec abiuidtsëqui udictsëc nidash dannëshën nidaid sebudash tsadquin naden Esusën Nuquin Papa chuipanëdash:

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Hechos 17:10

Adshumbic: Mibi bednushe, queshun aid inchëshëmbi Tesadonica yacnocquid Esus tantiaquidon Pabadobëta Sidas shubu dadpen icquid Bedea yacno nidmepanëdash. Aden nidmiac ambo tabadec Nuquin Papan Chiaid chuibante shubu yacno Pabadobëd Sidas puduedpanëdash.

Hechos 20:36

Aden chuibanashic Pabado Nuquin Papa chiec aidobëd danëshën sebudcuededash onquecuededpondash.

Hechos 20:38

Ubi mimbi padpiden isuainquio iquendac, Pabado quebued tantiash uënësquio iccuededpondash. Adec uënësquio yec Epeso yacnocquid Esus tantiaquidon chuiquido: Pabado nidsho isnu, quianec Pabadobëd cano dapa yacno chochopondash.

Hechos 9:40

Adosho issun abitedi puduen puduenmiash dannëshën sebudash Nuquin Papa chiec onquetanec nidtoshon uënësbued isquin: Nidto, Tabita, Petedon cac uincuenquin Petedo isequi badedi uëtsëdtopanëdash.