Hechos 21:4 - El Nuevo Testamento en matsés

⁴ Ambo pudundoshon Esus tantiaquido istuidash aido yacno puduedash 6tedec ushec Pabadobëd ubitedi tabadpondac. Ambo tabadnubi: Edusaden yacno Pabado cuessunnenuequid iquec, quequin Nuquin Papan Mayan Bëdan tantiamiac aidon: Edusaden yacno nidenda, quequin Pabado chuipondash.

Hechos 21:4 ပူးပေါင်းရင်းမြစ်များ

Mateo 10:11

Aden chuibennec shubu daëdpactsëc icquid yacno adecbidi shubu dadpen icquid yacno nidshun matses bëdambocquid istuidta. Istuidshun: ¿Ada ubi min shubun ushmetsia? mimbi cac: Ai, quesho tantiash aidën shubun ushta. Auëshquio nidabi yec aidën shubunuidtsëqui ushta.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Hechos 21:16

Adec nidsho isash Sesadea yacnocquid Esus tantiaquido utsi utsiec Pabadobëd nidquin Emenason cuëmëdquidën shubu yacno buanac puduedash ushpondabi. Aid shubu icbo Chipide yacnouësh choash Edusaden yacno tabadquid ënden Esus tantiabennëdaid nepondash.

Hechos 28:14

Ambo choacsho istuidshun ambocquid Esus tantiaquidon Pabado abëd icquidobëta: 6tedec ushec ubëd tabadec cho, cac: Ai, quesho iuedpondashi. Aidted ushec Esus tantiaquidobëd tabadash auëshquio puduanec podquiedën nidequi shubu dadpenquio icquid Doma yacno ubitedi chopondabi.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Timoteo 2 1:17

Aidëmbi nëmbo shubu dadpen icquid Doma yacno choshon: ¿Mitsimbo Pabado icpec? quequin iuen nibëmbennequin istuidpondashi.

Esusën Uan ismiaid 1:10

Dominco uëshën Esus tantiec tsadshobini Nuquin Papan Mayanën tantiameposh. Adoac cun cachocuësh shoncate shoncacbimbuec cumapenec onquesho tantiapombi.