Hechos 21:38 - El Nuevo Testamento en matsés

³⁸ Chuiquid tapa icnu, quequin umbiquien namenu, quequin Equipito yacnocquid dada cuesanquid 4midtedi cute nibëdacno buanac caondaidien nechitec, queshun mibi bedombi, capanëdash.

Hechos 21:38 ပူးပေါင်းရင်းမြစ်များ

Mateo 24:26

Adashic padpidec onquec: Umbi aden chuibued tantiashun utsibo muasho tantienda. Ubi caic: Utsibo ismenquio yec shubu nibëdacno choac caoshe. Isnunid, cac nidenda. Adembidi: Choash aid shubun ompodac caoshe. Isnunid, cac istanenda. Muambo neque.

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Madcos 15:7

Adoaid ictednenubi quënën tsadunmenëdaid Badabas cuëmëdquid icpanëdash. Aidi utsibobëtan Doma yacnocquidobëd icte bunenquio icquin cuessunnianquid icsho issun bedmeshun quënën tsadunmenëdaid nepanëdash.

Ducas 23:19

Badabas Doma yacnocquidon chuiquid tapa bunenquio icquin utsibo chieshënmequin utsi cuessunnequid icsho quënën tsadunmiaid nepanëdash.

Codinto 1 4:13

Adembidi utsibon icsambuen chuishunaqui cuidnanenquio icquin bëdambuen chuiquido nebi. Icsa tsindoaid neque. Secanu, cacbimbuen icsambuen isaido nebi. Aden ënenquio icquin nëbi matsesën chieshënaid nebi.