Hechos 20:7 - El Nuevo Testamento en matsés

⁷ Ambo tabadequi dominco inchëshën Esus tantiaquidobëd iccuededquin abëd icquidobëtan Pabadon Esus uënës uaid tantiaquin pan cuëshcuëshshun pebededpondash. Aden piashic Pabado: Badiadash nidebi, quiash inchësh poctsembo yantsëcquiec iuec onquepondash.

Hechos 20:7 ပူးပေါင်းရင်းမြစ်များ

Madcos 16:9

Adnubien uincuenshun dominco badiadnuc Madia Macdadenaba Esusën ismepanëdash. Aidi ambi podobitsi icsa 7ted dapuduedaid icsho dapuduenmiondaid nepanëdash.

Ducas 22:19

Adoshombic pan bedshun: Mimbi uaid nëid pete bëdambo iquec, Papa, quequin Nuquin Papa chuitanquin cuëshshun abëd icquido naden chuiquin menepanëdash: Mibitedi icsaid bedshunacsho ubided cuidquin mëyanquin uënës uaidën namibimbuecquid neque. Ubimbo tantiaquin pededneta, capanëdash Esusën.

Ducas 24:35

Aden chuisho tantiashumbien Emaus yacnouësh chobued daëdshun abi chinunshun Esusën chuibuedbëta pan bedshun cuëshsho ambi isquin tantiactambued chuipanëdash.

Uanën dada uaid 20:1

Esus chococan daëdec ushash dominco uëshë badiadnuc ënden inchësh inchëshquio icnubi Madia Macdadena Esus chococacno isec nidpanëdash. Nidshun isaquien shëcuë bëtinaid cuënote dapa bëcunnepambuen shëcniacsho istuidpanëdash.

Uanën dada uaid 20:19

Madian aden chuibued dominco uëshë inchëshbudtsëqui shubu nuntan Esusbëd icbuedobëdi tabadpondabi. Cun matses isadaidbon chuiquido dacuëdënquin umanucuësh utsi puduedtiapimbo icnuc bëdambuen bëtashash tabadnubien shëcuënuësh puduedenquio icbuedi nënantanuëshquio Esus isadcuempondash. Adtanequien: Dacuëdenda, quepondash.

Uanën dada uaid 20:26

Tomas adbon 7tedec ushash shubu nuntambidi Tomasbëd ubitedi tabaduapondabi. Puduedtiapimbo icnuc padpiden shëcuë bëtashash tabaduanubien Esus nënantanuëshquio isadcuenuapondash. Adash: Dacuëdenda, queuapondash.

Hechos 16:10

Aden tantiash: Nuquin Papan: Nidaid Masedonia caid yacnoshontsen Esus chuibanta, caoshibique. Ambo nidnun nacnennuna, Pabadon cac badedquio buannun nacnembededpondambi.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 20:11

Aden chiash abuc quënë yacno padpidec dectatouashun pan cuëshcuëshshun abitedishumbi pebededpondash. Aden piash tabadec Pabado ambi badiadtsëcquiec onquepondash. Adec badiadnubi abëd icquidobëd Pabado shubu nuntanuësh puduennubien

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 20:5

Aidtedi abia bëyucanec Asia yacno nidec shubu dadpen icquid Todoade yacno chochoash tabadquin ubëta Pabado caimpaccondash.

Hechos 20:9

Adec Pabado iuec onquenubi cania Eutico cuëmëdquid abucquid iste shëcuë yacno tsadec ushcastoash ushtotanec abucuëshquio paëdpaccondash. Adec paëdsho isash budbudshun uënësacsho isbededpondash.

Hechos 28:23

Aden Pabadon tantiaid tantianuec: Nëidted ushash padpidec chouaindabi, quianec nidannepondash chuiquido. Adec nidanniash ambi chiactedec ushash Pabado tabadacno isadaidbon chuiquidobëd utsibo dadpen chochopondash. Adec chochoash tabadsho issun aido tantiamequin: Nuquin Papan namiacno tabadte iquec, quequin Esus tantiaquid icmenu, quequin Nuquin Papan: Naden nata, quequin Moises dada uamiampidbëta Nuquin Papan oncamiaido chuiquin dada uampid chuibampanëdash. Aden chuibanquin badiadnuc chuiquin bedanshun inchëshbudtsëqui chuibanquin Pabadon ëmpondash.

Codinto 1 10:16

Nuquin Icbo Esus abided cuidadec uënësaid tantiec iccuededquin actsëcnun Nuquin Papa chuishun Esuquidistun intac acacbimbuen nuquitedi acbededpec. Adembidi petempi cuësh cuështsëcshun pequin Esuquidistun dada piacbimbuen nuquitedi pebededpec.

Codinto 1 15:10

Adec ubi icshobi Nuquin Papa bëdambocquid icquin Esus tantiaquid yanmeshun abi bunacpadombuen bëdambuen isquin ubi ambembi nabanmenquio iccoshi. Adenquio icquin Esusën: Ubi chuibenneta, caid utsibon abitedi chuibennenquiocnobi umbimbo cumapenec chonoadquin chuibenniombi. Aden umbi tantiacpaden nainquiocquin Nuquin Papa bëdambocquid icquin nashunac dayacquiocquin chuibenniombi.

Codinto 1 16:2

Dominco uëshën uëshënquien mimbi bedbanaidtedi tantiaquin abentsëcshun abentsëcshunquien sambededta. Chonoadquin daëdpactsëc bedquidën daëdpactsëc dayun uanubi piucquid dadpen bedquidën dadpen sandoshon dayun uata. Adoshon dayun uaid sambededshun bedbanash ubi chosho isash: Piucquid sambedednuna, quenquio mibitedi iquendac.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Esusën Uan ismiaid 1:10

Dominco uëshën Esus tantiec tsadshobini Nuquin Papan Mayanën tantiameposh. Adoac cun cachocuësh shoncate shoncacbimbuec cumapenec onquesho tantiapombi.