Hechos 20:4 - El Nuevo Testamento en matsés

⁴ Nëidtedi dada abëd nidquido icpondash. Nëidic Bedea yacnouësh choquid Pidonën mado Sopatedo. Utsibic Tesadonica yacnouësh choquid Adistadcobëd Secundo. Utsibic Dedbe yacnouësh choquid Cayo. Utsibic nidaid cuëshë Asia yacnouësh choquid Timoteo yec Tiquico yec Todopimo yec quec icpondash.

Hechos 20:4 ပူးပေါင်းရင်းမြစ်များ

Hechos 14:20

Ambo netanan Esus tantiaquido nidanneshun istuidash dacuenadec databëdtuidnubi Pabado nidtopanëdash. Adash padpidec aidobëd Disteda yacnobidi choec shubun pudueduapanëdash. Adashic badiadash puduanec shubu dadpen icquid Dedbe yacno Pabadobëd Bednabe nidpanëdash.

Hechos 14:6

Adec onquesho tantiashun utsin: Aden chuibededosh, quequin chiac cuenec nidequi nidaid cuëshë Dicaonia caidën icquid shubu dadpen icquid Disteda caid yacno nidash tabadquin Pabadobëtan Bednaben Esusën naid Chiaid Bëda chuibampanëdash. Adtanec auëshquio puduanec nidec shubu dadpen icquid Dedbe caid yacnotsen nidash tabadquin adombuembidi Esus chuibampanëdash. Adtanec auëshquio puduanec nidshun nidaid Dicaonia caid yacno shubu utsi utsiec yacno nidquin ambocquidotsen Chiaid Bëda Esusën naid chuibanuapanëdash.

Hechos 16:1

Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.

Hechos 16:6

Adnubien Pabado: Nidaid Asia caid yacno nidnu, quesho Nuquin Papan Mayan Bëdan: Ambo Esus chuibennec nidenda, cac Pabado abëd nidquidobëd nidaid Pidiquia caidbëta nidaid cuëshë Cadasia caidtsen matambidanec

Hechos 17:1

Pidipos yacnouësh puduanec nidequi Pabadobëd Sidas shubu dadpen icquid Ampipodis datambidanec nidec shubu dadpen icquid Apodonia caidtsen datambidanec shubu dadpen icquid Tesadonica yacno nidpanëdash. Ambobi isadaidbon Nuquin Papan Chiaid chuibante shubu iquec, quesho tantiash ambo tabadpanëdash.

Hechos 17:13

Adnubien: Bedea yacnoshontsen Pabadon Nuquin Papa caidën chiaid chuibanec, quesho tantiash Tesadonica yacnocquid isadaidbo Bedea yacno nidshun ambocquidotsen nëishmiac chushquec cumapenec cuëdcuededpanëdash.

Hechos 19:29

Adec cumapenec cuëdcuededsho tantiash Epeso yacnocquid utsibo aidobëd cuëdcuededpanëdash. Adec cuëdcuededash nëishshun nidaid Masedonia caid yacnouësh Pabadobëd chobued Cayobëta Adistadco bedshun nimbanquin iccuededte shubu yacno buampanëdash.

Hechos 2:9

Ubitedi nëidtedi yacnouësh chochoquido nebi. Nidaid Padtia caid yacnouësh choquido. Utsibic Media yacnouësh choquido. Utsibic Edan yacnouësh choquido. Utsibic Mesopotamia yacnouësh choquido. Utsibic nidaid cuëshë Udea yacnouësh choquido. Utsibic nidaid cuëshë Capadosia yacnouësh choquido. Utsibic nidaid cuëshë Ponto yacnouësh choquido. Utsibic nidaid cuëshë Asia yacnouësh choquido.

Hechos 20:16

Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Hechos 20:18

Aden chochomeshun naden aido chuipondash: Ënden tauambuec nëid nidaid Asia caid yacno choash mibëd iuec tabadsho umbi nabanondaid mibitedishun tantiec.

Hechos 21:29

Epeso yacnouësh choquid isadaidpembo Todopimobëd Pabado Edusaden yacnouësh capusho isboshon Nuquin Papa tabadte shubu dapan aidbëd pudueda danquin tantiec abimbo chiacbimbuec onquecuededpanëdash.

Hechos 27:2

Aden buanec nid, cac Pabado chedo buanquin shubu dadpen icquid Adadamitio yacnouësh choquid cano dapa istuidpondash. Aid cano dapa icbo: Nidaid Asia caid acte mad caid cuëman shubu dadpen icquid utsi utsiec yacno nidebi, quequin chuisho tantiash Pabadobëd antabëdtopondabi. Adec antabëdtosho isash puduampondash. Pabadobëd icquid utsi Adistadco icpondash. Aidi nidaid Masedonia caidën shubu dadpen icquid Tesadonica yacnouësh choquid nepondash.

Doma 16:21

Ubëtan Esusën naid chuibennequid Timoteon mibitedi tantiec. Adembidi Dusio yec Ason yec Sosipatodo yec quequin cun matses isadaidbon mibitedi tantiec.

Doma 16:23

Pabado nebi. Cayon shubu yacno iquebi. Esus tantiaquido iccuededec nëid shubu yacno pudued puduedosh. Aidontsen mibitedi tantiec. Adembidi Edaston mibitedi tantiec. Aidi nëid shubu dadpen icquidon chuiquidën chiacpadombuen piucquid bedbenneshun dayun uaquid nec. Nuquin utsibimbuecquid Cuadtontsen mibitedi tantiec.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Codinto 2 1:19

Adembidi ambi chiacpadombuen nabanquidquio Nuquin Papan Madombo umbi chuibenniaid Esuquidistu nec. Aidi Sidbanobëtan Timoteon chuibenniaidbidi neuaic.

Epeso 6:21

Nuquin utsi nuqui tantiaidquio ubëd icquid Tiquico mibi yacno nidmembi. Aidi Esuquidistu tantiaquid icquin ubi nashunquid nec. Nuquin Icbo tantiaquidquio aidi nec. Aidëmbi mibi yacno nidshun: Nadquio iccosh, quequin umbi naidtedi chiendac. Aden chuisho tantiash mibitedi bëdambo iquendac.

Pidipos 2:19

Abi tantiaquid icsho Nuquin Icbo Esusën tantiamiac Timoteo mibi yacno nëbi nidmete bunebi. ¿Mitsipadec aido tabadeque? Istan, quequin nidmembi. Adoac mibitedi istanshun chuituidac cuishonquec bëdambo ictsiabi.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Codosas 4:7

Tantia. Mibitedi chuibannu. Nuquitedi cun utsi caid Tiquico mibi yacno nidshun ubi tabadaid mibitedi chiendac. Aidi Nuquin Icbon tantiamiacpadombuen ubëtan chuibanquidquio yec ubi nashunquid nec.

Timoteo 1 1:1

Pabado nebi. Nuquin Papa yacno iuedanquid Esuquidistu nuqui cainaidën: Ubi chuibenneta, caidquio nebi. Aton Mado tantiasho nuqui bëdambuen isquid icquin Nuquin Papan: Cun Mado Esus chuibenneta, caidquiobidi nebi.

Timoteo 2 1:2

Cun madobimbuecquid umbi tantiaidquio mibi icsho mibi chuiquin nëid dada uanu, Timoteo. Nuquin Papan Nuquin Icbo Esuquidistubëtan icsambuen naquid icsho cuidenquio icquin bëdambuen isquin ma bëdambuec tabadmepanu, quequin mibi tantiaquin Nuquin Papa chiannembi.

Timoteo 2 4:12

Tiquico cuëmëdquid shubu dadpen icquid Epeso yacno nidmiombi.

Timoteo 2 4:20

Edastobic shubu dadpen icquid Codinto yacno tëshëdondash. Todopimo cuëmëdquidic nëncuenacsho shubu dadpen icquid Mideto caid yacno nianondambi.

Tito 3:12

Tantia. Mibi chuinu. Adtemasbëd Tiquico ubëd iquec. Aid daëd icnuc abentsëc Quedeta yacno nidmembi. Aid mibi yacno nidacsho issun: Pabado isec nidnu. Mimbitsen nëmbocquido chuibanta, quequin chianec Nicopodis yacno nidta, Tito. Nicopodis yacnoshon ue taëquid matanmete bunebique. Ubi ambo istuidec nidta.

Pidemon 1:24

Adembidi Madcos yec Adistadco yec Demas yec Ducas yec quec ubëtan chuibanquido icquin: Mibi tantiembi, quequin chuita, cac dada uaic nebi.

Uan 3 1:1

Ubia Esus tantiaquido chuibanquid nebi. Adquid icquin umbi tantiaidquio icsho Cayo cuëmëdquid chuiquin dada uaic nebi.