Hechos 20:24 - El Nuevo Testamento en matsés

²⁴ Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Hechos 20:24 ပူးပေါင်းရင်းမြစ်များ

Ducas 16:28

Cun utsibo 5ted uënësabi yec nidaidën tabadeque. Cun utsibo nëmbo ubi mëyadacno chonoshe, queshun ma aido chuinu. Nidmeta, papa, queposh atona dadpen icbued.

Uanën dada uaid 15:27

Adoac mimbitsen ubi chuibanendac: Esusën tauaquin chuibannuc aidbëd ictennebi, queshun mibitedishun umbi naidbëta umbi chuibanaid bëdambuen chuibanendac.

Uanën dada uaid 17:4

Mimbi chiacpadombuen naquin nëbimbobi nidaidënshun nainembi. Umbi adoacsho isash matses: Abi namequid Nuquin Papa bëdamboshëcquid yec abitedishun Icbombo nec, quendac.

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Hechos 13:25

Aden chuibanquin nainequi: ¿Mitsi paden ubi isquin tantie? Nuquin Papan Chomiaid mimbi cainaidpenquio nebi. Mimbi cainaidquio choendac. Aidi ubi udictsëcquid yec nadatiambocquin nabanquid icsho ubi icsaquid icquin abi tapucudaid chicnuec dacuëdec shuebudtiapimbo iquebi, quepanëdash Uan acten mentoanquid, quepanëdash Pabado.

Hechos 14:3

Aido nëishmiambi Iconio yacno iuec tabadquin Pabadobëtan Bednaben: Nuquin Icbon nuqui bëdambuen nametsiash, quiash dacuëdenquio icquin Esus bëdambuen tantiamequin: Nuquin Papan matses tantiaquiec, quequin chuibampanëdash. Aden chuibansho issun Nuquin Papan nadatiambocquin nabanquido Pabadobëta Bednabe icmepanëdash.

Hechos 15:7

Adec iuec onquec tabadash Petedo nidtoec nadpanëdash: Cun utsibo, tantia. Chuinu. Ënden Nuquin Papan naden chuipondashi. Isadaidpembo Esuquidistu tantiaquid icmete bunebique. Aidotsen Esusën naid Chiaid Bëda chuibenneta, quequin chuipondashi. Adoac umbi naondaid chuibansho mibitedishun tantiondac.

Hechos 18:5

Adnubien Sidasbëd Timoteo nidaid Masedonia caid yacnouësh choshon isaquien Pabadon shubumpi nacnenenquio icquin: Esus Nuquin Papan Chomiaid Quidistu cashumbic Mesias niondash, quequin isadaidbo tantiamenuen Nuquin Papan Chiaid Bëda chuibampanëdash.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Hechos 20:23

Shubu dadpen icquid ubi nidacnoshon nidacnoshonquien Nuquin Papan Mayan Bëdan naden chuided chuidedoshi: Mibi mëyantequid iquendac. Adembidi mibi quënën tsaduntequid iquendac, quequin chioshi.

Hechos 20:32

Bëdambuen chuibanombi, quequin tantiaquin mibi nianembi. Esus tantiaquid nec, quequin Ambi Chiaid Nuquin Papan mibi bëdambuen tantiamendac. Aden tantiamequin mibi tantiaquioquin ambi chiampicpadombuen mibitedi bëdambo icmendac.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Doma 11:6

Aden tantiec Nuquin Papa bëdambocquid icquin ambi chiacpadombuen naquid nibëdsho bëdambuen istiapimbo icbuedëmbi ambi tantiactedishun icsambuen nabuedombi abi tantiasho Nuquin Papan bëdambuen isendac.

Doma 4:4

Tantia. Naden chuinu. Chonoadquid icsho abi chonoadacpadquid piucquid menequid. Ambembi menenquio iquec.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Codinto 2 12:10

Aden tantiec cun dada icsambo icnubi bëdambo icquin abi Esuquidistu chuibennec capuebi. Icsambuen chuiquin mamënshunaqui abi Esuquidistu chuibennec capuebi. Bunequi adecbidi capuebi. Utsin: Mibi natiamequin ënmembi, caqui adquiecbidi abi Esuquidistu chuibennec capuebi. Utsin natiamequin mëyanaqui adquiecbidi capuebi. Adquid icnuc umbibi natiapimbo icsho issun Nuquin Icbon nadatiambocquin namiac ëntiapimbocquin chuibennec capuebi.

Codinto 2 4:1

Nuquin Papa bëdamboshëcquidën ubitedi bëdambuen isquin: Esuquidistu chuibenneta, caid icquin chieshtoenquio icquin aidi chuibanquido ubitedi nec.

Codinto 2 4:12

Aden chieshënquin mëyanac uënëstsenshumbi abi Esus chuibanquid nebi. Aden chuibanac Esus tantiabenec chuca uaid yanash aidbëd ënëdtiapimbo yec tabadtequid mibitedi nendac.

Codinto 2 5:8

Aden tantiec bëdambo iquebi. Dada chodquetequid icquimbi: Badedquio chodquesa icmepashuni. Cun Icbobëd tabadec nidnu, quequintsen nuqui tantiec.

Codinto 2 7:4

Mibitedi caic: Mimbi chiacpaden nainquio icbuedëmbi nabanosh, quequin choquidën chioshi. Aden chuisho tantiashun: Nuquin Papan chiacpaden nabanquidquio aido nec, quequin utsibo chuibanembi. Adash uënësquio icbuedi mimbi naid tantiash bëdamboshë iquebi. Utsibon natiamiaid icshobi mibitedishun dayacquio icmequin ubi bëdambo icmioc.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Epeso 1:6

Aden tantianquid icquin: Ma ubi ënenquio icquin: Bëdambocquid nec, canu, queshun Nuquin Papan aton Mado ambi tantiaidquio Esuquidistu nuquitedi tantiamiac. Adoac Esus tantiaquido yec nuqui abëd tabadtequido nec.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Pidipos 2:30

Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Tesadonica 1 2:2

Nadembidi mimbi tantiec. Shubu dadpen icquid Pidipos yacnoshon ubi icsambuen chuishunquin mëyanaqui mibi yacno nidshun Chiaid Bëda Esusën naid mibitedi dacuëdenquiocquin chuibanondambi. Utsibo dadpenshun chieshënnubi Nuquin Papan namiacpadombuen dacuëdenquio icquin mibitedi Esus chuibanondambi.

Tesadonica 1 3:3

Ma ubi tantiaquido chieshënquin natiamenu, quequin Nuquin Papan tantiacpadombuen natiamiac chieshtoshon Esus tantienquio yannushe. Chuitan, caondambi. Aden Nuquin Papan tantiacpaden Esus tantiaquid icsho mibitedi natiametequid iquendac, quequin umbi chuibansho mimbi tantiondac.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.

Tito 1:3

Nëbi ambi tantiacpadënquio Nuquin Papan matses bëdambuen ismequid Esuquidistu tantiamequin chuibenneta, caidquio nebi.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Uan 1 3:16

Adquid icnuc utsibobëd tantiananec tabadte nuqui tantiec. Esuquidistu nuquitedi tantiaquiec abided cuidadec uënëspanëdash. Adecbidi nuquibëtan Esus tantiaquido caic: Cuessunnenu, casho issun: Padi, ubiquien cuessunne, canuna.

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.

Esusën Uan ismiaid 6:11

Adoaquien: Chiata. Iuec iuecpactsëcshun naindambi. Min utsibobimbuecquido ubi tantiaquido utsibo umbi tantiactedi chieshëmënquidon ma cuessun secabono. Adosho issun cuessun secanquido cuidendambi, quequin chuiposh. Aden chuitanquin Nuquin Papan: Ubëdi tabadmequin icsaisa mibi icmembi, queshun dashcute ënapen icquid ushumbocquid dasiuimbamposh.