Hechos 20:20 - El Nuevo Testamento en matsés

²⁰ Chuibanenquio iquembi, quenquio icquin mibitedi Esus bëdambuen tantiamenuen matses dadpen iccuededacnoshon chuibanondambi. Adembidi shubun shubunquiec puduedcuennequin chuibenniondambi.

Hechos 20:20 ပူးပေါင်းရင်းမြစ်များ

Madcos 4:34

Aden utsi chiacbimbuen abitedi chuibanshumbic abëd icquidouidtsëqui bëdambuen tantiamequin cuembo chuibampanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 20:27

Aden mibi Nuquin Papan: Naden ubi yacno matses tabadmenu, quequin chiaid ompoenquio icquin abitedi chuibanombi.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 5:2

Bedshun aton chidon isnubi musucshun ambi musucaid utsi dayun uaquimbi Esus chuibennequido yacno nidshun abitedi meniacbimbuen Ananiasën menepanëdash.

Hechos 5:42

Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Codinto 1 12:7

Esus tantiaquido icsho: Ma utsibobëd tantiananec nashunnannu, quequin Nuquin Papan aton Mayan menendac.

Codinto 1 14:6

Cun utsibo, aid tantiaquin chuinu. Mibi yacno isec nidshun umbi mibi onquiacmaid onquete utsin onquequin chuibansho tantienquio yec: Bëdambuen chuibanosh, quetiapimbo yec mibitedi tabadtsiac. Padnuen min onqueten naden chiac mimbi tantiatsiac. Nuquin Papan ubi tantiamiaid umbi chuibansho mimbi tantiatsiac. Adembidi abimbo chiaid chuibanac mimbi tantiatsiac. Nuquin Papan iuecshun natequid chiaid tantiaquin chiaidquio chuibanac mimbi tantiatsiac. Adembidi umbi Nuquin Papan Chiaidquio chuibanac mimbi tantiatsiac.

Codinto 1 15:3

Umbi tantiabenondaidquiobidi mibitedi tantiamequin chuibanondambi. Nuquin Papan chuiquin dada uamiampicpadec nuquitedi icsambuen naid bedash abided cuidadec Esuquidistu uënëspanëdash.

Pidipos 3:1

Tantia, cun utsibo. Nuquin Icbo Esus tantiec cuishonqueta. Umbi chiondaid padpiden chuiuatiapimbo iquebi, quenquio icquin: Tantienquio yannushe, queshun umbi chiondaidbidi padpiden dada uaquin mibitedi chuiuanu.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.