Hechos 20:19 - El Nuevo Testamento en matsés

¹⁹ Adshumbic isadaidbo utsibon Esus tantiesa icquin cuessunnete bunquin mëyampondashi. Adoaqui: Nuquin Icbon: Ubi chuibenneta, cacpaden ubi bunaid tantienquio icquin Ambi Chiaid mibitedi chuibanondambi. Tantiesa icsho isash shubiquiondabi.

Hechos 20:19 ပူးပေါင်းရင်းမြစ်များ

Ducas 19:41

Adanec nidequi Edusaden anoentsëqui choequi ambo icquido tantiec shubiec Esus nadpanëdash:

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Hechos 17:13

Adnubien: Bedea yacnoshontsen Pabadon Nuquin Papa caidën chiaid chuibanec, quesho tantiash Tesadonica yacnocquid isadaidbo Bedea yacno nidshun ambocquidotsen nëishmiac chushquec cumapenec cuëdcuededpanëdash.

Hechos 17:5

Aden Pabadon chuibanac Esus tantiaquid dadpen yansho isashien isadaidbo utsibo nëishshun abembi capuquido tantiesabo icsambocquid dadpen iccuededmequin aidotsen chuiquin nëishmiac natia chushquecuededpanëdash. Adec chushquecuededsho tantiashun Pabadobëta Sidas bednuec Pabado ushacno Ason cuëmëdquidën shubun puduedpanëdash.

Hechos 20:3

Ambo nidash uëshë 3ted nidmec tabadash: Nidaid Sidia caid yacnotsen cano dapa antabëdtoanec nidebi, quepanëdash. Adsho tantiashun: Cano dapan nidsho Pabado cuessunnenu, quequin isadaidbon mibi cainec, cac nidaid Masedonia caid yacno aucbidi nidec Pabado podquiedën niduapanëdash.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 21:27

Adashic 6tedec ushquin naimbudnubi Pabado Nuquin Papa tabadte shubu dapa yacno nidash tsicatiaidën puduedash capusho nidaid Asia caid yacnouësh chochoquido isadaidbon ispanëdash. Aden isash Pabado bedmete bunec: Isadaidbo utsibo nëishmenu, quequin cumapenec cuëdquin:

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 12:11

Nuquin Papan chiacpadombuen naic chieshtoenquio icquin nata. Chieshquid iquenda. Nuquin Icbo tantiaquin aid nashunec chieshtoenquio yec bëdambuec tabadta.

Codinto 2 2:4

Uënësquio yec shubiquimbi mibitedishun iste dada uashun: Buanshun meneta, caondambi. Uënësquio icmenu, quenquio icquin: Pabadon tantiaidquio nuquitedi nec, quequin mibitedi tantiamenuen dada uaondambi.

Codinto 2 3:5

Umbibi tantiacpaden chuibanesa nebi. Nuquin Papan tantiamiacpaden chuibanquid nebi, quequin tantiembi.

Codinto 2 7:5

Nidaid Masedonia caid yacno choacsho natiamiac ushtiapimbo iccobi. Esuquidistu tantiesabon chieshënquin natiameposhi. Adoac natiec dacuëdec tabadobi.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Epeso 6:7

Aidën chiacpadombuen chieshenquio yec chonoadquimbi: Matsesuidtsëqui nashunembi, quenquio icquin Nuquin Icbo Esuquidistu mimbi nashunendac.

Pidipos 3:18

Umbi chuidenniondacpadombuen mibitedi padpiden shubiquimbi chiec nebi. Mibi yacno utsi utsiec icsambuec tabadquid iquec. Abided cuidadec cueste napotiaidën dectamëdaid Esuquidistu tantiaquid nebi, quebuedi aid chieshënquidbimbuec icsambuec tabadec.

Codosas 3:24

Cun Icbo Esuquidistun abi yacno ubi nidacsho issun umbi bëdambuen nabanaidtedi tantiaquin bëdamboshëcquid ubi menendac, quequin tantiaquin nabanta. Nidaidënshun min Icbo Esuquidistu tantiaquin nashunquido mibitedi neque. Aden nabanta.

Tesadonica 1 1:9

Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.

Petedo 1 1:6

Umbi aden chuisho tantiash mibitedi cuishonquendac. Esus tantiesabon natiamequin chieshënac natiec shubitiadquio icbuedi mibitedi bëdambo yanendac. Nuquin Papabëd tabadtequid nebi, quec natienquio mibi iquendac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Esusën Uan ismiaid 7:15

Obecabimbuecquid tantiaquido icsho Nuquin Papan abi yacnombo puduedmeshun aton iuabo icmiaido icquin abi bëisec nec, queposh. Adquido icquin Nuquin Papan shubun tabadquin aid ënenquio icquin tantiaquin nashunendac. Adembidi aton tsadte dapan tsadquin Nuquin Papan abëdi tabadmequin bëdambuen dayun uaido nendac.