Hechos 20:16 - El Nuevo Testamento en matsés

¹⁶ Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Hechos 20:16 ပူးပေါင်းရင်းမြစ်များ

Hechos 12:13

Adnubien Petedo choshon shëcuë bëtashaid tosh toshcasho tantiatanec: ¿Tsuntsin naique? Isnu, quianec chido iua Dode cuëmëdquid chopanëdash.

Hechos 16:6

Adnubien Pabado: Nidaid Asia caid yacno nidnu, quesho Nuquin Papan Mayan Bëdan: Ambo Esus chuibennec nidenda, cac Pabado abëd nidquidobëd nidaid Pidiquia caidbëta nidaid cuëshë Cadasia caidtsen matambidanec

Hechos 18:19

Adec nidequi Epeso yacno chopanëdash. Ambo choshon Aquida aton chidobëta: Nëmbobi tabadta, capanëdash. Adshun aid daëdi nianec Nuquin Papan Chiaid chuibante shubu yacno nidshun isadaidbo Esus tantiamenuen Nuquin Papan Chiaid chuibampanëdash Pabadon.

Hechos 18:21

Nuquin Papan tantiacpadec mibi isec padpidec chouatsiabi, quianec Epeso yacnouëshquio puduanec nidec cano dapa antabëdtoanec Pabado nidpanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Hechos 2:1

Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 20:13

Adashic Pabado: Podquedën nidebique. Shubu dadpen icquid Aso yacno nidshun ubi cainta, quianec nidpondash. Adec nidnubi cano dapa antabëdtoanec puduanec nidequi Aso yacno nidannepondabi.

Hechos 20:18

Aden chochomeshun naden aido chuipondash: Ënden tauambuec nëid nidaid Asia caid yacno choash mibëd iuec tabadsho umbi nabanondaid mibitedishun tantiec.

Hechos 20:22

Aden chuibanshobi Nuquin Papan Mayan Bëdan: Nëbi Edusaden yacno nidta, quequin chuiposhi. Adec aidën chuibocpadequi nidebi. ¿Atotsi ubi Edusaden yacnoshon napatsiashba? quec nidebi.

Hechos 20:4

Nëidtedi dada abëd nidquido icpondash. Nëidic Bedea yacnouësh choquid Pidonën mado Sopatedo. Utsibic Tesadonica yacnouësh choquid Adistadcobëd Secundo. Utsibic Dedbe yacnouësh choquid Cayo. Utsibic nidaid cuëshë Asia yacnouësh choquid Timoteo yec Tiquico yec Todopimo yec quec icpondash.

Hechos 20:6

Aidtedi nidannian pan bidiscamiabicquid piampid uëshë tantiec 6ted ushec tabadanec Pidipos yacnouësh Pabadobëd cano dapa antabëdtoanec nidec 4tedec ushshun bëyuc chochobued shubu dadpen icquid Todoade yacno istuidpondambi. Ambo 6tedec ushec Pabadobëd tabadpondabi.

Hechos 21:4

Ambo pudundoshon Esus tantiaquido istuidash aido yacno puduedash 6tedec ushec Pabadobëd ubitedi tabadpondac. Ambo tabadnubi: Edusaden yacno Pabado cuessunnenuequid iquec, quequin Nuquin Papan Mayan Bëdan tantiamiac aidon: Edusaden yacno nidenda, quequin Pabado chuipondash.

Hechos 24:17

Adequi seta dadpen matanmec nidaid utsi utsiec yacno capucuennec tabadcuennequin: Edusaden yacnocquid isadaidbo bunec tabadec, quesho tantiash piucquid menenuec chopobi. Adembidi: Nuquin Papan bëdambuen dayun uabennioshi, quequin Nuquin Papa ismequin piucquid nibëdquido meneuanuec chopobi.

Codinto 1 16:8

Shubu dadpen icquid Epeso yacno isadaidbon aton tiedën caniquid tidico caid bedaid tantiate uëshën cuishonquec tabadaid pentecostes caid choacnobi cuësquec iquendabi.