Hechos 2:47 - El Nuevo Testamento en matsés

⁴⁷ Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 2:47 ပူးပေါင်းရင်းမြစ်များ

Ducas 19:48

Aden aidtedishun tantiaquin caimbedednubi: Esusën chuibansho tantianu, quec matses dadpen Esus datsidadacsho issun ashunquio isadaidbon chuiquidon Esus uënës uamenuen bedtiapimbo icpanëdash.

Ducas 2:52

Adnubi bëdambuen tantiaquiec Esus canidopanëdash. Adquid icsho Nuquin Papan bëdambuen isacpadombuembidi matsesëntsen bëdambuen isbededuapanëdash.

Hechos 11:21

Aden chuibanshobi Nuquin Papan nadatiambocquin tantiamiac aidon chuibanaid tantiashun isadaidpembon: Cun matsesën icsambuen tantiaidbëta umbi icsambuen naid ënnu, quequin ënash Esus tantiaquid dadpen yampanëdash.

Hechos 11:24

Bednabe bëdambocquid icsho Nuquin Papan aton Mayan Bëda meniac Esus tantiaquidquio icquin chuibanac Esus tantiaquid utsi utsiec dadpen yampanëdash.

Hechos 13:48

Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.

Hechos 14:1

Adashic Pabadobëd Bednabe shubu dadpen icquid Iconio yacno choash tabadpanëdash. Ambo tabadec Nuquin Papan Chiaid chuibante shubu yacno nidash puduedshun Esusën naid chuibanac isadaidbobëd isadaidbopembo dadpen Esus tantiaquid yampanëdash.

Hechos 14:21

Adec Dedbe yacno nidash tabadquimbi Pabadobëtan Bednaben Chiaid Bëda Esusën naid chuibanac Esus tantiaquid dadpen yampanëdash. Auëshquio padpidec puduanec chouaic shubu dadpen icquid Disteda yacnoba chopanëdash. Adashic Iconio yacnotsen chouashic Antioquia yacno chouapanëdash.

Hechos 16:5

Aden chuibanac ambia tantiabenquidon Esus udictsëc tantiabenquionobi utsibo Esus tantiaquid dadpen yanuapanëdash.

Hechos 17:12

Aden isbanash: Abimbo caic, quiash isadaidbo dadpen Esus tantiaquido yampanëdash. Adecbidi isadaidpembon chuiquido quidieco matses utsi utsiec aton chidobëdi Esus tantiaquid dadpen yampanëdash.

Hechos 2:39

Adembidi abi tantiasho issun mibitedibëta min bacuëbo menendac. Adembidi nidaidtedi yacnocquid Nuquin Icbo Nuquin Papa bunacpaden Esus tantiasho issun aton Mayan Bëdambocquid meneuaindac ambi chiampicpaden, quepanëdash Petedo.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Hechos 4:33

Adec tabadsho Nuquin Papan Mayan Bëdan tantiamiac Esus chuibennequidon: Esuquidistu uincuenacsho isondambi, quequin chuibennepanëdash. Adsho issun Nuquin Papan abitedi bëdamboshë icmepanëdash.

Hechos 4:4

Aden bedabi icquin Uambëtan Petedon chuibansho tantiash Esus tantiaquido yansho dadauidtsëqui tambanac 5 midted yampanëdash.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Hechos 9:35

Adec Eneas capucuensho isash shubu dadpen icquid Dida yacnocquidobëdi nidaid Sadon caid yacnocquido dadpen Esus tantiaquid yampanëdash.

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Doma 8:30

Ëndenquimboshë abitedimbo uabi yequi Nuquin Papa nadpampic: Nëido Cun Madobimbuecquido icmembi, abi quiampicpadombuembidi tantiamebenquin: Nuquibi icnuc cho, caquin ambi cuënaido nec. Aido Nuquin Papan icsaisabimbuecnuc isendac. Adembidi bëdamboshë yacno tabadmendac, quequin nuqui tantiec.

Doma 9:27

Isadaidbo chuiquin Isayasën naden chuipampic: Masi dadpenquio yactedi caidnëdaidobi isadaidbo daëdpactsëcshun bëdambuen tantiasho bëdambuen isquin aidtedtsëqui Nuquin Papan cuidenquio icquin abëd tabadmendac.

Codinto 1 1:18

Esuquidistu abided cuidadec cueste napotiaidën dectanac uënëspanëdash, quequin chuibanac: Ambembi chiec onquequido nec, quequin tantiaquido icsho chian annëdënquiacno nësecatequid nendac. Padnuen: Aid chuibanaid abimbo chiaid nec, quesho Nuquin Papan nadatiambocquin tantiamiac Esus tantiaquid yec Nuquin Papa yacno puduedtequido nuqui nendac.