Hechos 2:41 - El Nuevo Testamento en matsés

⁴¹ Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Hechos 2:41 ပူးပေါင်းရင်းမြစ်များ

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Uanën dada uaid 21:11

Simon Petedon: Ai bedtannu, quianec nidshun cano annidtoshon nëshaid shoyombëpondash. Adshumbic acte cuëman tsindoshon isac dadpenquioshë 153ted nuëcquid icpondash. Nua nuaic tsadquido icnuc nëshaid tësëdtiadtsëcquiocquidi tësëdenquio icpondash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 13:48

Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 27:37

Cano dapan icquidtedi 276ted icpondash.

Hechos 3:23

Aidën chiacpadombuen naisa Nuquin Papan: Cun matses nec, catiapimbo iquendac, quequin Moisesën dada uapampic.

Hechos 4:4

Aden bedabi icquin Uambëtan Petedon chuibansho tantiash Esus tantiaquido yansho dadauidtsëqui tambanac 5 midted yampanëdash.

Hechos 7:14

Padaon ismeshumbic Osen aton utsibo chuiquin: Nuquin pabëta nuquin matses bedtan, capampic. Aden bedtanac Equipito yacno chouapampic. Aidotedi 75ted icpampic.

Doma 13:1

Aton matsesën chuiquid tapan chiacpadombuen abitedishun naquid. Aido Nuquin Papan chuiquid tapa icmiaido nec. Aidëmbidi chuiquid tapa icmeshun utsi utsiec yacno tabëcaido iquec.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Petedo 1 3:20

Ëndenquimboshë aton matsesbëd tabadec Noe bëdambo icnubi aido Nuquin Papan Chiaid niacniacquec icsambuecshë tabadpampic. Noen cano dapa baded nacnenenquio yacpadembi: Ma ambi icsambuen naid ënshun ubi tantiabennu, queshun Nuquin Papan badedi cuidenquio icpampic. Adenquio icnubi cano dapa nainquin nacnenan ue sequec acte cubudtonoc matses 8tedpactsëc cano dapa antabëdtopampic.

Esusën Uan ismiaid 16:3

Adnubien Nuquin Papabëd icquid utsintsen ambi bedbued dëshoten cushtoaid acte dapa mad caid nëchiuimposh. Adoaquien intacposh. Matses cuessunniaidën intacbimbuecnuc intacuaidën acten icquidtedi uënësbudneposh.