Hechos 2:4 - El Nuevo Testamento en matsés

⁴ Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Hechos 2:4 ပူးပေါင်းရင်းမြစ်များ

Mateo 10:19

Adoac: Chuiquid tapa yacnoshon ¿Atotsimbi chuipeba? ¿Adambi bëdambuen chuibampeba? quec dacuëdec natienda. Chuiquid tapa mimbi bëisnubi Nuquin Papan ambi tantiacpadombuen mibi oncamendac.

Madcos 16:17

Abi tantiaquid utsi utsien Nuquin Papan nadatiambocquin nabanquid icmendac. Adquid icmiaidën umbi nabanondacpadombuen podobitsi icsa dapuduedaid icsho dapuduenmendac. Adembidi utsibon onquete tantienquio icbuedëmbi abi uëshëmbi tantiashun umbi naid chuibanendac.

Ducas 1:15

Min mado Nuquin Papan bëdambuen isaidquio iquendac. Acte paë uaid min madon aquenquio icquin isuidendac. Aid tishabicshobi Nuquin Papan aton Mayan Bëda meniaidquio min mado iquendac.

Ducas 1:41

Adsho Isabedën tantianubi aton bacuë cumapenec cuididiquepanëdash. Adec aton bacuë cuididiquenubi Nuquin Papan Mayan Bëdan tantiamiacpadec Isabed

Ducas 1:67

Adnubien Uanën papa Sacadias Nuquin Papan Mayan Bëdan oncamiac naden aton mado Uanën nate chuipanëdash:

Ducas 12:12

Aden buanshun chuimeshobi Nuquin Papan Mayan Bëdan: Naden chuiban, quequin mibi tantiamendac, capanëdash Esusën abëd icquido chuiquin.

Ducas 21:15

Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Ducas 4:1

Aden Uanën acten mentoac Nuquin Papan Mayan Bëdabëd iquec acte Odan caid yacnouësh pudundoshobi Nuquin Papan Mayanën shubu nibëdacnombo Esus buampanëdash.

Uanën dada uaid 14:26

Cun Pa yacno nidshun umbi: Nuquin Mayan aido dayun uanuen aidobëd tabadmenuna, Papa, cac Cun Pan Aton Mayan Bëda mibëd tabadmendac. Adoac umbi nabanondaidbëta umbi chuibanondaidtedimbo mibi bëdambuen tantiameuaindac.

Uanën dada uaid 20:22

Adtanquin ubitedi dabushcabampondash. Aden dabushcabanec: Nuquin Papan Mayan Bëda mibëd tabadendac.

Hechos 1:5

Nuquin Papa tantiaquid nec, quequin acten mentopadennec Uan acten mentoanquidën. Padnuen iuecpactsëcshun umbi chiannebuedquio: Ubi tantiaquid nec, quequin Nuquin Papan aton Mayan Bëda mibitedi menendac, quepanëdash Esus.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 10:47

Aden menesho issun Petedon: Nuquin Papan aton Mayan Bëda meniaido yec Esus tantiaquido neque. Acten mentono, cashoda ¿utsibon: Padi, capatsiash?

Hechos 11:15

Adoac umbi bedanquin chuibannubi aton Mayan Bëda ubitedi Nuquin Papan meniondacpadombuembidi aidotsen menebanuaposh.

Hechos 11:24

Bednabe bëdambocquid icsho Nuquin Papan aton Mayan Bëda meniac Esus tantiaquidquio icquin chuibanac Esus tantiaquid utsi utsiec dadpen yampanëdash.

Hechos 13:52

Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.

Hechos 13:9

Saudo quequin isadaidbon cuënnubi Pabado quequin isadaidpembon cuëmpanëdash. Aden Edimasën utsi uain chuisho tantiashun Nuquin Papan Mayan Bëdan tantiamiac aid bëisec Pabado nadpanëdash:

Hechos 15:8

Umbi Esus chuibanac aid tantiaquid isadaidpembo yampondash. Adsho issun matsesën tantiaid tantiaquid icquin Nuquin Papan: Esus tantiaquid nec, quequin aton Mayan Bëda nuqui meniondacpadombuembidi isadaidpembo menepondash.

Hechos 19:6

Aden acten mentoaidotedi dada 12ted icsho Pabadon mëdanten mamishbanshobi Nuquin Papan aton Mayan Bëda menepanëdash. Adoac abi onquiacmaidënquio onquequin: Nuquin Papan: Naden naindambi, quequin oncamiaid chuibampanëdash.

Hechos 2:11

Utsibic acte nënantan nidaid nacnëdquid Quedeta caid yacnouësh choquido. Utsibic Adabia caid yacnouësh choquido. Adec chochoquido dadpen isadaidbombo icnubi utsibo isadaidbopadquio icnuequido Edusaden caid yacno isadaidbon tsusedpabon chiampicpaden nanuec chochobuedo ubitedi nebi. Adec chochoshon cun onquetenquio Nuquin Papan natiambocquin naid chuibansho tantiembi.

Hechos 2:3

Aden aid tantianubi cute nëdënquiacbimbuecquid budec icbo icboec matsadtocuededpanëdash abi isquidtedi.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 4:8

Adoaquien Petedo Nuquin Papan Mayan Bëdan cumapenen tantiamiac nadpanëdash: Cun matses chuiquidobëta isadaidbon chuiquido tsësiobo icsho mibitedi chuinu. Tantia.

Hechos 6:3

Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Hechos 6:5

Adoaquien: Mimbi bëdambuen chioc, quepanëdash Esus tantiaquidotedi. Aidon chiacpadombuen nëidtedi niante nashunquid icmepanëdash. Nëidic Nuquin Papan Mayan Bëdan tantiamiaidquio icquin: Ambi chiacpadombuen Nuquin Papan naindac, quequin tantiaquidquio Esteban cuëmëdquid. Utsibic Uedipe. Utsibic Podocodo. Utsibic Nicanod. Utsibic Timon. Utsibic Padmenas. Utsibic isadaidpembo iquequi isadaidbo tanquid Antioquia yacnoshon tishaid Nicodas cuëmëdquid.

Hechos 6:8

Adnubien Nuquin Papan Mayan Bëdan cumapenen tantiamiaidquio icquin Estebanën nadatiambocquin nabanquin matses dadpen ismebampanëdash.

Hechos 7:55

Adoaquien Nuquin Papan aton Mayan Bëda meniaidquio icquin Estebanën abuc isquin Nuquin Papa uëshëmbo yec matsesën istiapimbo bëchamauanquiec chënquenubi Nuquin Papan dayun abiucquio Esus nidtosho ispanëdash.

Hechos 8:17

Petedobëtan Uanën mëdanten Esus tantiaquido mamishbampanëdash. Aden mamishbannubi aidtedi Nuquin Papan aton Mayan menepanëdash.

Hechos 9:17

Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Codinto 1 12:10

Adembidi Nuquin Papan Mayanën namiac nadatiambocquin nabanquido utsi utsiec iquendac. Utsibobic Nuquin Papan iuecshun natequid chuimequin oncamiaido iquendac. Utsibobic: Nuquin Papan Mayanën namiaid nec, quequin tantiaquido yec: Mayan Icsa Satanasën iuan namiaid nec, quequin tantiaquid utsi utsiec iquendac. Utsibic abi onquiacmaid onquete utsin onquequido utsi utsiec iquendac. Utsibic abi onquiacmaid onquete utsin onquequin chuibansho tantienquiocsho issun aid onquete tantiaquidën: Ma utsibon tantiaquiono, queshun cuembo chuibanquid utsi utsiec iquendac.

Codinto 1 13:1

Matses utsi utsiec onquiacpadquiec onquequid nebi. Adecbidi Nuquin Papabëd icquido onquiacpadquiec onquequid nebi. Adec onquequid nebi, quebuedi utsibobëd tantiananec tabadesa yec tsentsencate icsactsëcquio cuëdmiacbimbuecquid ictsiabi.

Codinto 1 13:8

Tantiananec tabadaid ënëdtiapimboctequid nendac. Uëshë utsimbi Nuquin Papan Mayanën namiaid icquin Nuquin Papan iuecshun natequid chuibanaid ënëdendac. Adecbidi abi onquiacmaid onquete utsin onquebuedobi aid onqueten onquenquio yec ënëdendac. Adecbidi matsesën dadpenquio tantiaidtedi ënëdendac.

Codinto 1 14:18

Mibitedi dëniaquec onquete utsin onquequidquio icquin: Mibi bëdamboshë iquec, Papa quequin Nuquin Papa chiannembi.

Codinto 1 14:5

Abi onquiacmaid onquete utsin mibitedi onquiac bëdambo ictsiash, quequin tantiembi. Aden tantiaquid icquimbi: Nuquin Papan iuecshun natequid chiaid tantiaquin onquequin chuibanac bëdamboshë ictsiash, caimbi. Aid chuibanec abi onquiacmaid onquete utsin onquiaid bëdambo iquec. Chuibanac tantienquiocsho issun Nuquin Papan Mayanën namiaid icquin abi onquiacmaid onqueten onquequin chuibansho aid onquete tantiaquidën: Ma Esus tantiaquido bëdambuen tantiec chieshtoenquio yec tabadnu, queshun utsibo tantiamequin chuibanec.

Epeso 3:19

Adembidi ënenquio icquin matses tantiaquidquio Esus nec, quequin matsesën tantiatiapimbo iquec. Adquid icnuc ubi Esus tantiamequin mimbi nacpadombuen utsibo Esus tantiaquidquio icmeta, quequin Nuquin Papa chiannembi.

Epeso 5:18

Tantiadennuen acte paë uaid aquenda. Aid aquec padpidec icsambocquid yanuaindac. Icsambuen nate bunenquio icquin Nuquin Papan Mayan Bëdan tantiamiacpadombuen bëdambuen nabanta.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Petedo 1 1:12

Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.

Petedo 2 1:21

Ambembi chiec onquenquio icquin Nuquin Papan oncamiaidon chuibampampic. Nuquin Papan Mayan Bëdan tantiamiac abimbo aidon chuipampic.