Hechos 2:37 - El Nuevo Testamento en matsés

³⁷ Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Hechos 2:37 ပူးပေါင်းရင်းမြစ်များ

Ducas 3:10

Adoaquien: Nuquin Papan aden cuidnushe, queshun ¿atotsimbi napatsia? capanëdash iccuededquidon.

Ducas 3:12

Adecbidi Doma yacnocquidon chuiquid tapan: Min matsesën piucquid nëidted bedshun ubi meneta, caidotsen acten mentomenuec chochopanëdash. Chochoshon Uanën chuibansho tantiash: Chian annëdënquequid nësecadte bunenquio icquin ¿atotsimbi napatsia? capanëdash.

Ducas 3:14

Adembidi sondado chochoshon: ¿Atotsimbi napatsia? capanëdash Uan chuiquin. Adoaquien: Min piucquid bunquin utsibo bedshunenda. Utsibo chuiquin: Mitsana bec cho. Cueschitomane, cainda. Utsin bedaid tantiashun mua uaquin chienda. Min chuiquidën piucquid meniac: Daëdpactsëc iqueque. Utsibo bedshunnu, quenda, capanëdash Uanën sondado chuiquin.

Uanën dada uaid 8:9

Aden Esusën chuisho tantiatanequien: Nuquin Papan Chiaid niaquesambuen nibëdchitec. Sesetiapimbo iquebi, quetanec nidannepondash. Tsësioboba nidannebon caniabotsen tsiuec nidannepondash Esusbëd chidouidtsëqui icnuc.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Hechos 22:10

Aden dachëncac umbentsëqui tantiec uequin: ¿Atotsimbi nape Icbo? capondac. Adoaquien: Nidtoash shubu dadpen icquid Damasco yacno nidec nid. Amboshon umbi: Nata, quequin chuibued dada utsin mibi chiendac, capondashi Esusën.

Hechos 5:33

Aden Petedon chuisho tantiash chuiquid tapabo nëishquiec: Icsamboshë iquec, quiash Esus chuibennequido cuessunnete bumpanëdash.

Hechos 7:54

Adec Esteban onquesho tantiash isadaidbon chuiquido shëta chëquëdëshquequiec nëishquioshon chieshënquin chushcapanëdash.

Doma 7:9

Nuquin Papan Chiampid tantiabi yec cuidte dacuëdënenquio yec bëdambo iquebi, quiondabi. Adshumbic Nuquin Papan Moises dada uamiampid issumbi: Ambi chiaid niac niacquin icsambuen naquidquio nebi, quec