Hechos 2:30 - El Nuevo Testamento en matsés

³⁰ Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Hechos 2:30 ပူးပေါင်းရင်းမြစ်များ

Mateo 22:43

Adsho tantiashumbien Esusën: ¿Bëdambuenda chuidio? Mimbi chiacpadquid aton mado icshobi ¿atotsi queshun Nuquin Papan Mayanën tantiamiac Dabidën Cun Icbo capampic? Naden chuiquin Dabidën dada uapampic:

Mateo 27:35

Adshobien cueste napotiaidën dectampanëdash. Dectanshumbic ambi dachicbued: Esusën dashcute bednu, quequin sondadobon abi cuëmëdquidtedi dada uabanshun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Madcos 12:36

Tantia. Chuinu. Nuquin Papan Mayan Bëdan tantiamiac Dabidëmbi naden chuipampic: Icbo Dapan cun Icbo naden chiec: Cun abiuc tsadec abitedishun Icbombo icnush nëmbo cho. Mibi chieshënquidobi dëniacmeshun: Cun Icbo nec, abitedimbo mibi camenu, quequin Dabidën chuiquin dada uapampic.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 15:12

Adembidi Isayasëntsen naden chuiquin dada uapampic: Esen tsiuecquid iquendac. Nidaid utsi utsiec yacno tabadquidotedishun chuiquid tapa icquin bëdambuen namendac. Aidën ambi chiacpadombuen ubitedi bëdambuen namendac, quequin matses utsibon cainendac, quequin chuipampic.

Timoteo 2 2:8

Esuquidistu tantiata. Aidi matsesash isadaidbo tsusedpa Dabidën tsiuecquid nepanëdash. Aidi uënës uacsho Nuquin Papan uincuenmepanëdash, quequin Chiaid Bëda Esusën naid umbi chuibambuedquio abi iqueque. Aidquio tantiaquiota.

Ebedeo 1:1

Ëndenquimboshë Nuquin Papan tantiamiac ambi oncamiaidon utsin utsinquien Nuquin Papan Chiaid nuquin tsusedpabo chuidednepampic. Adembidi ambi oncamiaido utsi utsien dada uamepampic.

Ebedeo 3:7

Aden Esusën dayun uaid icsho Nuquin Papan Chiaid aton Mayan Bëdan naden chuiquin dada uamepampic: Nëid uëshëmbi Nuquin Papan Chuibued tantiashumbi

Ebedeo 4:7

Aden Ambi matses tantiaquin aidon nate uëshë caquin Nuquin Papan nëbimbobi aid uëshë nec, cauapec. Isadaidbon ëndenquimbo Nuquin Papan Chiaid niacampid icnubi iuecshun Nuquin Papan Dabid naden chuiquin Ambi Chiaid dada uamepampic. Nëbimbobi Nuquin Papan Chiaid tantiashumbi tantienquio yanampicpadec tantiesa yanenda, quequin chuipampic.

Ebedeo 6:17

Adembidi Nuquin Papa ambi chiacpadombuen naquidquio nec, quequin ma tantianu, queshun Nuquin Papan: Muatiapimbocquid icquin utsi uainquio icquin nashunendambi, quequin Abadauambëta aton tsiuecquido chuipampic.

Ebedeo 7:21

Aton Madombo chuiquin Nuquin Papan dada uamiampid nad iquec: Mado, muatiapimbocquid icquin mibi abimbo chuiquin utsi uainquio iquembi. Matses ubi bëdambuen ismequid mibi nendac. Adquid yec nibëdantiapimbo ictequidquio mibi nendac, quequin chuipampic.

Petedo 2 1:21

Ambembi chiec onquenquio icquin Nuquin Papan oncamiaidon chuibampampic. Nuquin Papan Mayan Bëdan tantiamiac abimbo aidon chuipampic.

Esusën Uan ismiaid 17:14

Adoac Obecabimbuecquidbëd icquido nibëdquiocnoc cuessun secanu, quiash aidobëd cuesnancuededposh. Adec cuesnanquin Obecabimbuecquidën dëniacposh. Aido abi chieshënquidon: Chieshtomenu, caqui chieshtoenquiocquin Obecabimbuecquid tantiaquid icsho Nuquin Papan namiaido neposh. Obecabimbuecquid abitedishun Icbombo yec abitedishun chuiquid tapambo nendac, quetanquin dëniaquendac, queposh Nuquin Papabëd icquid.

Esusën Uan ismiaid 19:16

Aton dashcute bëntsecquidbëtambi aton bëusudquidën naden dada uapaccosh: Abitedishun chuiquid tapambo yec abitedishun Icbombo nec, quequin chuiquin dada uapaccosh.