Hechos 2:24 - El Nuevo Testamento en matsés

²⁴ Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 2:24 ပူးပေါင်းရင်းမြစ်များ

Mateo 27:63

Esus muaquidquio yec nadpadennec: Uënësash daëdec ushash uincuenendabi, quec muapadenneque.

Uanën dada uaid 10:18

Matsesën ambembi ubi uënës uatiapimbo ictsiash. Umbi tantiacpadquiequi matsesën uënës uadendabi. Adecbidi nadatiambocquid yec ubibi uincuenuaindabi. Adec Cun Pan chuibocpadec iquendabi, quepondash Esus.

Uanën dada uaid 10:35

Ambi chiaid chuibanquido matses caic: Ubibimbuecquid mibi nec, quequin Nuquin Papan Chiampid issun: Nuquin Papan icsambuen chiac, quequin mimbi chushcambo iquec. Nuquin Papa adoambobida ¿ubi chushcai?

Uanën dada uaid 12:39

Tantienquiocquido icsho Nuquin Papan pamumëdacbimbuecnuc icmiac cun matsesën Esus tantienquio icpanëdash. Nadembidi chuiquin Isayasën dada uapampic:

Uanën dada uaid 20:9

Nuquin Papan tantiamiac cun tsusedpabon chuiquin: Uënësacsho uincuenmendac, quequin dada uaquin chiampid tantienquio icbuedëmbi aden tantiapondambi.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Hechos 13:30

Adoacsho Nuquin Papan Esus uincuenmepanëdash.

Hechos 13:37

Padnuen Nuquin Papan uincuenmiaidën nami chodquiambo icpanëdash.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Hechos 3:15

Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Hechos 3:26

Aden Abadauan ambi chiampicpadquid aidën tsiuecquid Nuquin Papan Mado choacsho mimbi uënës uamepondac. Aden uënës uacsho Nuquin Papan uincuenmeshun nuquin matsesëmba ambi icsambuen naid ënsho ma ambi bëdambuen isaid icpanuna, quequin Petedon chuipanëdash.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Hechos 5:30

Esus mibitedishun cueste napotiaidën dectanquin uënës uamiondaid nuquin tsusedpabon Papa campid Nuquin Papambien uincuenmepaccondash.

Doma 10:9

Nuquin Papan uincuenmenëdaid Esus nec, quequin tantiaquin: Esus Cun Icbo nec, quequin abimbo chuisho Nuquin Papan mibi bëdambuen isquin abi yacno tabadmendac.

Doma 14:9

Adquidon Icbo icnuec uënësash Esuquidistu uincuempanëdash. Uënësabi icquidën Icbo icbuedi uënësaidën Icbobidi iquendac.

Doma 4:24

Nuquitsen Nuquin Papan ambi bëdambuen iste tantiamenuen aden dada uamepampic. Nuquin Icbo Esus uënësacsho uincuenmiaid tantiasho Nuquin Papan nuquitsen bëdambuen isec.

Doma 6:4

Aden acten mentoaido yec Esuquidistubëd uënësacsho chococacbimbuecquido nuquitedi nec. Adecbidi aidbëd uincuenacbimbuec ma Esuquidistubëd tabadnu, queshun utsiacbimbuecnuc icmiaido nuquitedi nec. Aden Nuquin Papa nadatiambocquid icquin Esuquidistu bëdamboshëcquid icmequin uincuenmepanëdash.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Codinto 1 15:12

Esuquidistu uënësash uincuempanëdash, quequin ubitedishun chuibannubi ¿atotsi quiash: Uënësash uincuentequid nibëdec, quequin tantiec mibi utsi utsiec onquepe?

Codinto 1 15:15

Adquidtedi icnuc Nuquin Papan Chiaid chuibanquidtedi muaquidquio icuatsiandac. Uënësash uincuentequid nibëdnuc ubitedishun: Nuquin Papan Esuquidistu uincuenmepanëdash, quequin chiaid abipenquio ictsiandac. Uënësash uincuente nibëdnuc Nuquin Papan Esuquidistu uincuenmiaid nibëdtsiandac.

Codinto 1 15:20

Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Codinto 1 15:4

Uënësacsho shëcuë nacnenaidën nauedshun bëtashac daëdec ushtanec Nuquin Papan chuiquin dada uamiampicpadequi uincuempanëdash.

Codinto 1 6:14

Nadatiambocquid icquin Nuquin Papan Nuquin Icbo Esuquidistu uënësacsho uincuenmepanëdash. Adombuembidi nuquitedi uënësacsho uincuenmendac.

Codinto 2 4:14

Nadembidi tantiaquin chuibennequid nebi. Nuquin Papan Esuquidistu uënësacsho uincuenmenëdacpaden abëdi tabadmenuen mibitedibëtabi ubitedi uincuenmeshun abi yacno tabadmendac, quequin tantiaquin chiec nebi.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Epeso 1:20

Esuquidistu uënësacsho uincuenmeshun abi yacno abuc indoshon min dayun abiucquio mimbi tsadumpanëdac.

Codosas 2:12

Adembidi uënësacsho Esuquidistubëta chococacbimbuen mibitedi acten mentopanëdash. Adembidi nadatiambocquid icquin Nuquin Papan Esuquidistu uincuenmepanëdash, quequin tantiasho aidbëta uincuenmiacbimbuen acten mentotanquin mibitedi cadopanëdash.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Ebedeo 13:20

Bëdambuec tabadmianquid icquin Nuquin Papan aton Mado Esus matsesacsho matsesën uënës uaid icsho uincuenmiac nëish iua obeca abi dayun uacbimbuen abi tantiaquidtedi dayun uaquid yampanëdash. Abi tantiaquido caic: Aido bëdambuen isendambi, quequin chiaid ucudtiapimbo ictequid nec, quequin aton intac ismequin ënenquio icquin abi tantiaquido Nuquin Papa bëdambuen ismendac.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.