Hechos 2:20 - El Nuevo Testamento en matsés

²⁰ Adquid icnubi badiadën uëshë chënquebuedi inchëshquio yanendac. Inchëshën uëshë piupiupambo yec intacbimbuecsho mimbi isbededendac. Umbi ismiaidtedi icambic Nuquin Papan uëshë bëdamboshëcquid chomendac.

Hechos 2:20 ပူးပေါင်းရင်းမြစ်များ

Mateo 24:29

Adshumbic padpiden chiec: Aden matses icsamboshë icquidon ubi tantiaquido natiamequin mëyadmequin naimbudnubi uëshë chënquebuedi inchëshquio yanendac. Inchëshën uëshëtsen chënquenquio yanendac. Uispa chedo paëdbudnendac. Abuc tabadquid abitedimbo uëdëquendac.

Mateo 27:45

Adnubien uëshë cuembo icnuc inchëshpondash. Uëshë cuembo icnuc bedanec uëshë budambi 3 icnuc cuësquec nidaid abichobimbo inchëshquio icpondash.

Madcos 13:24

Aden matses icsamboshë icquidon ubi tantiaquido natiamequin mëyadmequin nainnubi badiadën uëshë chënquebuedi inchëshquio yanendac. Inchëshën uëshëtsen chënquenquio yanendac.

Ducas 21:25

Aden Nuquin Papan ismiacpadec badiadën uëshë yec inchëshën uëshë yec uispa yec quec yacno ambi nadatiambocquin naid ismiantequid iquendac. Aidtedi yacno ismiantequid uinsadpambo icsho isash cumapenec dacuëdec matsestedi tabadcuededendac. Acte dapa mad caid natiambo bocquec cuëdsho tantiash adquiecbidi cumapenec dacuëdec matsestedi tabadcuededendac.

Hechos 2:19

Adnubi abucuësh uinsadpambo ictequid icnubi nidaidënshun istequid intac yec nëdënquequid yec nidaidën abembi pushudquid yec quenuc adquidtedi mibi ismendambi.

Hechos 2:21

Adnubimbi: Cun Icbombo Esus nec, ubi caquidquio ëbëd tabadmendambi, quequin Nuquin Papan chuimiacpaden Oedën dada uapampic.

Codinto 1 5:5

aid dada icsambuen naquid nidme. Ma adoacsho ambi tantiacpadombuen Mayan Icsa Satanasën aton dada mëyanac icsambuen nate bunenquio yanacsho Nuquin Icbo chouashun abi yacno ma aton mayan iuedpanuna.

Tesadonica 1 5:2

Nëid inchëshëmbi ampequid choec, quequin tantiatiapimbo yacbimbuec: Aid uëshën Nuquin Icbo choec, quequin tantiatiapimbo icnuc Esus chouaindac, quequin umbi chiondaid mibitedishun tantiec.

Petedo 2 3:10

Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.

Petedo 2 3:7

Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.

Esusën Uan ismiaid 16:8

Adnubien Nuquin Papabëd icquid utsintsen ambi bedbued dëshoten cushtoaid badiadën uëshë bëchiuimposh. Adoaquien Nuquin Papan namiacpadec matses baded badedquiec uëshën pichiquebudneposh.

Esusën Uan ismiaid 6:12

Adnubien Obecabimbuecquidën dada uaid bëbitaccaid utsitsen bedshun chicposh chicabi icquid abentsëc icnuc. Aid chicnubien nidaid abichobi cumapenec uëdëquec ishcudposh. Adnuc badiadën uëshë dashcute chëshën bëpucacbimbuec inchëshquioshë yamposh. Inchëshën uëshëbic intacbimbuec piumboshë isadposh.