Hechos 2:10 - El Nuevo Testamento en matsés

¹⁰ Utsibic nidaid cuëshë Pidiquia yacnouësh choquido. Utsibic nidaid cuëshë Pampidia yacnouësh choquido. Utsibic Equipito yacnouësh choquido. Utsibic shubu dadpen icquid Sidene anoentsëcquid nidaid Dibia caid yacnouësh choquido. Utsibic shubu dadpen icquid Doma caid yacnouësh choquido.

Hechos 2:10 ပူးပေါင်းရင်းမြစ်များ

Mateo 2:15

Adec nidash ambobi tabadpanëdash. Isadaidbon chuiquid tapa Edodes uënësabi icnuc ambo tabadpanëdash. Esus tishabi icnubi ëndenquimboshë Nuquin Papan tantiamiac ambi oncamiaidën Esus Equipito yacno buante naden chuiquin dada uapampic: Equipito yacno nidash tabadsho: Auëshquio cho, Mado, caindambi, quiosh Nuquin Papa, quequin dada uapampic.

Mateo 23:15

Ai, Moisesën chiampid tantiamequidobëta padiseobo Nuquin Papan cuidtequido mibitedi nec. Mimbi tantiacpadombuenuidi tantiamenuen mibitedishun matses utsibo chuiben chuibenec. Nidaid utsi utsiec yacno nidshun mimbi chuibennesho tantiaquido mimbi tantiacpadombuen tantiaquido yanec Mayan Icsa Satanasën iuabo yanash Nuquin Papan cuidadtequidombo iquendac.

Mateo 27:32

Aden Esus buanquin abi dectante cueste iuënmemebanquimbi dada nidaid Sidene yacnouësh choquid Simon cuëmëdquid istuidshun Esusën iuënmiaid sondadon chiadtomebidampanëdash.

Madcos 15:21

Aden abi dectante cueste napotiaid Esusën buanquin iuënmenubi abi datanquid dada Simon cuëmëdquid icsho issun sondadon cueste chiadtometanquin buanmepanëdash. Aid dada shubu dadpen icquid Sidene yacnocquid yec aton tied yacnouësh choquid nepanëdash. Aidbidi Adejandobëtan Dupon papa nepanëdash.

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 13:1

Adashic: Esuquidistu tantiaquid utsi utsiec Nuquin Papan oncamiaidobëd chuibanquin tantiamequido Antioquia yacno nëidtedi tabadpanëdash. Nëidic Bednabe. Utsibic Simon cashumbic Dada Chëshë quequin cuënaid. Utsibic Sidene yacnocquid Dusio. Utsibic nidaid Cadidea yacnocquidon chuiquid tapa Edodes Antipasbëta caniuaid Menain cuëmëdquid. Utsibic Saudo.

Hechos 13:13

Pabado abëd icquidobëd Papos yacnouësh cano dapa antabëdtoanec nidquin nidaid cuëshë Pampidia caid yacnocquid shubu dadpen icquid Pedque yacno nidpanëdash. Adnubi Uan Madcos Edusaden yacno nidnuec tëshëdpanëdash.

Hechos 13:43

Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.

Hechos 14:24

Adanec auëshquiobi puduanec nidec nidaid cuëshë Pisidia caid matambëtsenec nidaid cuëshë Pampidia caid yacno chopanëdash.

Hechos 15:38

Adoaquien: Aidi nidaid Pampidia caid yacnouësh chieshec tëshëdondashe. Padi, capanëdash Pabadon.

Hechos 16:6

Adnubien Pabado: Nidaid Asia caid yacno nidnu, quesho Nuquin Papan Mayan Bëdan: Ambo Esus chuibennec nidenda, cac Pabado abëd nidquidobëd nidaid Pidiquia caidbëta nidaid cuëshë Cadasia caidtsen matambidanec

Hechos 17:21

Abi buanquido Adeopaco caid yacno nidtedniash Atenas yacnocquidobëd nidaid utsi utsiec yacnouësh chochoquido badiadquidën badiadquidënquiec utsin utsinquien ambi tantiacpaden chuibansho tantianuec iccuededtednepanëdash.

Hechos 18:2

Ambo isadaidbo Aquida cuëmëdquid nidaid cuëshë Ponto caid yacnoshon tishaid Pabadon istuidpanëdash. Aid ambo choabicnubi: Isadaidbotedi nidaid Itadia yacnouësh nidta, Doma yacnocquidon chuiquid tapa Cadaudion cac aton chido Pisida cuëmëdquidbëd Codinto yacno Aquida chopanëdash.

Hechos 18:23

Antioquia yacno choash iuec tabadashic padpidec puduanec Esus tantiec iccuededquido yacno yacnombuen isbennequin tantiametannu, quianec nidaid cuëshë Cadasia caid yacno nidash tabadquin: Chieshtoenquiocquin Esus tantiec bëdambuec tabadta, quequin chuibampanëdash. Auëshquio nidequi nidaid Pidiquia caid yacno nidshun adombuembidi Pabadon chuibanuapanëdash.

Hechos 2:11

Utsibic acte nënantan nidaid nacnëdquid Quedeta caid yacnouësh choquido. Utsibic Adabia caid yacnouësh choquido. Adec chochoquido dadpen isadaidbombo icnubi utsibo isadaidbopadquio icnuequido Edusaden caid yacno isadaidbon tsusedpabon chiampicpaden nanuec chochobuedo ubitedi nebi. Adec chochoshon cun onquetenquio Nuquin Papan natiambocquin naid chuibansho tantiembi.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Hechos 27:5

Adembidi nidaid Sidisia caidbëta nidaid Pampidia caid datambëtsenec nidaid Disia caid yacno shubu dadpen icquid Mida caid yacno chopondash.

Hechos 28:15

Doma yacnocquid Esus tantiaquido: Pabado chedo choec, quesho tantiash utsi utsiec shubu daëdpactsëcquid Podo Apio caid yacno nidshun ubitedi bëquedec chopondash. Adecbidi utsi utsiec shubu dadpen icquid udi icquid 3Tabednas quequin cuënaid yacno chochoshon Pabadobëta ubitedi bëquedpondash. Adec Esus tantiaquido chochoacsho isashien: Ubi bëdambo icmenuen nëidtedi mimbi chomioc, Papa. Aden chomiacsho isash bëdambo iquebi, quequin Pabadon Nuquin Papa chuipondash.

Hechos 6:5

Adoaquien: Mimbi bëdambuen chioc, quepanëdash Esus tantiaquidotedi. Aidon chiacpadombuen nëidtedi niante nashunquid icmepanëdash. Nëidic Nuquin Papan Mayan Bëdan tantiamiaidquio icquin: Ambi chiacpadombuen Nuquin Papan naindac, quequin tantiaquidquio Esteban cuëmëdquid. Utsibic Uedipe. Utsibic Podocodo. Utsibic Nicanod. Utsibic Timon. Utsibic Padmenas. Utsibic isadaidpembo iquequi isadaidbo tanquid Antioquia yacnoshon tishaid Nicodas cuëmëdquid.

Hechos 6:9

Aden nadatiambocquin naquin ismiaqui bëdambuen tantienquio yec utsibo nëidtedi yacnocquido cumapenec cuëdcuededpanëdash. Nëidic Nuquin Papan Chiaid chuibante shubun puduedquido iua iccondaidi iuapenquio yanaido. Nëidic shubu dadpen icquid Sidene yacnouësh choquido. Utsibic shubu dadpen icquid Adejandedia caid yacnouësh choquido. Utsibic nidaid cuëshë Sidisia caid yacnouësh choquido. Utsibic nidaid cuëshë Asia caid yacnouësh choquido. Aidtedi Edusaden yacno chochoash tabadquin Esteban chiec: Icsambuen mimbi chiec, quequin chuibededpanëdash.

Doma 1:15

Aden chuibennequi shubu dadpen icquid Doma yacno nidshun mibitsen Esusën naid Chiaid Bëda chuibante bunquiebi.

Timoteo 2 1:17

Aidëmbi nëmbo shubu dadpen icquid Doma yacno choshon: ¿Mitsimbo Pabado icpec? quequin iuen nibëmbennequin istuidpondashi.

Esusën Uan ismiaid 11:8

Aden Edusaden yacnoshon cuessunneshun chococainquio iquendac. Ma abitedishun isnu, queshun chococainquio icquin podquied ansanendac. Aton Icbo cueste napotiaidën dectannëdacnoshonquio adoendac. Ambo icsambocquido nec, quequin aid shubu dadpen icquid Equipito quequin cuëntanquin Sodoma quequin cuëmpanëdash.