Hechos 2:1 - El Nuevo Testamento en matsés

¹ Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 2:1 ပူးပေါင်းရင်းမြစ်များ

Hechos 1:5

Nuquin Papa tantiaquid nec, quequin acten mentopadennec Uan acten mentoanquidën. Padnuen iuecpactsëcshun umbi chiannebuedquio: Ubi tantiaquid nec, quequin Nuquin Papan aton Mayan Bëda mibitedi menendac, quepanëdash Esus.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 20:16

Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Hechos 4:24

Adoac abentsëc onquiacbimbuen Esus tantiaquidon naden Nuquin Papa chuibededpanëdash: Cun Icbombo mibi nec. Abubëta nidaid acte chedo uashun aidën icquidtedimbo mimbi uapampic.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Hechos 5:12

Adshumbic Esus chuibennequidon nadatiambocquin nabanquin dadpen ismepanëdash. Adnubi Sadomonën Nuquin Papa tabadte shubu dapa cuishubu uampid yacnouësh Esus tantiaquido iccuededpanëdash.

Doma 15:6

Mimbi adoac aidtedishun: Nuquin Papa, Nuquin Icbo Esuquidistun Papa mibi nec. Mibi bëdamboshë iquec, quequin mibi chuibededtsiash, quequin Nuquin Papa chiannembi.

Codinto 1 16:8

Shubu dadpen icquid Epeso yacno isadaidbon aton tiedën caniquid tidico caid bedaid tantiate uëshën cuishonquec tabadaid pentecostes caid choacnobi cuësquec iquendabi.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Pidipos 2:2

Adquidbidi nebi, quequin tantiec utsibobëd tantianancuededta. Ubi cuishoncamenuec adec tabadta. Mibitedi tantiananec: Nadombuen nabannuna, quequin abentsëcshun tantiacbimbuen tantiec bëdambuec tabadta.