Hechos 19:9 - El Nuevo Testamento en matsés

⁹ Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 19:9 ပူးပေါင်းရင်းမြစ်များ

Mateo 15:14

Dacuëdenda. Padiseobo bëshuaidbimbuec icquido nec. Bëshuaidën aton matses bëshuaid utsi bëdambuen buantiapimbo iquec. Buannuec abidaëdi shëcuë ampaëdtsiashe. Aidon chiaid tantienda, quepondash Esus ubitedi chiec.

Mateo 16:4

Nuquin Papan Chiaid niac niacquido yec mibitedi icsamboshë icquido nec. Adquido iquequi ubi tantiate bunenquio icquimbi: Nadatiambo icquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi mibi ismendac. Nuquin Papan ambi oncamiaid Onas nampicpadombuen naquin ismendambi, quianec aido nianec Esus nidpondash.

Mateo 26:55

Adshumbic abi bedquido chiec: ¿Ampec cuesanquid Esus nec, queshunda cuestebëta chështe sanambededtsëquiec ubi bedec chocho? Mambi badiadquidën badiadquidënquien Nuquin Papa tabadte shubu dapa daquënë uaidën tabadquin matses tantiamenuen chuibampaboc mibitedi tabadnubi. Aden chuibanshobi ma mimbi ubi bedenquio icpaboc.

Uanën dada uaid 12:40

Nuquin Papan namiac min matses pamumëdacbimbuen tantiate bunenquio iquendac. Bëchicqueshun isenquio yacbimbuen isquimbi tantiatiapimbo iquendac. Umbi chiaid tantiaquin umbi nabansho issumbi ubi padpiden tantiauatiapimbo iquendac. Aden ambi icsambuen naid ënsho bëdambuen ismane, quiash Nuquin Papa chushquiaid Isayasën chuipampic.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 14:4

Adoac aid daëdshun nadatiambocquin nabansho isash isadaidbon chuiquidon chuibocpadec: Bednabebëd Pabado icsambocquid nec, utsi utsiec quenubien utsibo: Ambi chiaid abimbo iquec, quepanëdash.

Hechos 17:4

Aden chuibanac Esus tantiaquid nëidtedi yampanëdash. Nëidic isadaidbo utsi utsiec. Utsibic Nuquin Papa tantiaquido quidieco matses dadpen. Utsibic ambocquidon chuiquid tapabon chido utsi utsiec. Aidtedi Esus tantiaquid yampanëdash.

Hechos 19:23

Epeso yacnoshon: Nuquin Papa yacno tabadmianquid iquec, quequin Pabadon chuibanaquien Esus tantiesabo nëishquiash chushquecuededpanëdash.

Hechos 19:30

Aden aid daëd bedshun buansho isquidën chiac Pabado: Iccuededte shubu yacno nidash matsesbëd onquete bunebi, quesho tantiashun: Padi. Ambo nidenda, capanëdash Esus tantiaquidon.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 22:4

Aden nabanquid icquimbi ënden Esus tantiaquido cuessun secate bunquin dadabobëta chidobo bedmeshun mëyanmequin quënën tsadunmepondambi.

Hechos 24:21

Auëshquio nëiduidtsëqui naden chiec cumapenec cuëdobi: Uënësash uincuentequid iquec, quequin umbi chuisho tantiashun: Icsambocquid nec, quequin iccuededacnoshon chuiboshon isadaidbon mibi chuiquin naic, quepondash Pabado Uedis chiec.

Hechos 28:22

Padnueni mimbi tantiaid mimbi chuisho tantiate bunec. Utsiboen nidaid utsi utsiec yacno tabadquido: Quidistubo icsambocquid nec, quepec, quepondash Doma yacnocquid isadaidbon chuiquido Pabado caic.

Hechos 7:51

Pabiate shëcuë nibëdacbimbuen Nuquin Papan Chiaid tantiashumbi mimbi icsambuen naid ënesa mibitedi nec. Aton Mayan Bëdan: Tantiamenu, caqui tsusedpabotedishun tantienquio icpampicpadembi mibitedishun tantienquio icuaic.

Hechos 9:2

Shubu dadpen icquid Damasco yacno nidshun chiaid chuca tantiamiaido Esus tantiaquido dadabobëtabi chidobo bedmequin tanemeshun Edusaden yacno bëmete bunebique. Aden dada uashun ¿ada dada uaid ubi menetsia? Ai adota, quequin mimbi dada uaid meniac shubu dadpen icquid Damasco yacno nidshun Nuquin Papan Chiaid chuibante shubu utsi utsiec yacno nidshun ambo chuibanquid mimbi dada uaid ismiac: Adota, queuatsiash, quequin chuipanëdash Saudon.

Doma 11:7

¿Atotsimbi chiec ne? Isadaidbon ambi tantiactedishun abi tantiasho Nuquin Papan bëdambuen isec. Isadaidbo utsiboen bëdambuen istiapimbo iquec. Aido: Nuquin Papa bëdambuen ismembi, quebuedi tantienquio icsho Nuquin Papan pacuënnëdacbimbuecnuc icmepanëdash.

Doma 9:18

Aden Nuquin Papan tantiacpadombuen utsi utsien icsambuen naquido pamumëdacbimbuecnuc icmebanec. Adoshombic utsi utsien uënësquio icquin tantiaquin abi tantiaquido icmebanendac.

Codinto 1 16:9

Ambo Nuquin Papan Chiaid tantianu, quequid dadpen iquec. Adsho badedbadedquien: Ma tantianu, queshun Esuquidistu chuibansho tantiaquid icnubi utsibo ubi chieshënquido nëmbo dadpen iquec.

Timoteo 1 6:5

Pabiate shëcuë nibëdacbimbuen Nuquin Papan Chiaidquio bëdambuen tantienquio yec chushcananendac. Nuquin Papan Chiaid chuibanquidën piucquid dadpen bedte danec chuibanquidbidi ictiadquio iquendac.

Timoteo 2 1:15

Mibi tabadaid nidaid cuëshë Asia caid yacnocquido dadpen ubi nianec cuëshëdondaid mimbi tantiec, mado. Piquedobëd Edmoquenes adecbidi ubi nianec ubëd cuëshëdondash.

Timoteo 2 3:5

Nëidic: Nuquin Papa tantiaquid nebi, quec muaquin aidën chiaid niac niacquido. Adquidtedi: Icsambuen naic tabadquido neque. Adquidobëd onquec tabadenda, caimbi.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Ebedeo 3:13

Nuquin Papan chiacpadec bëdambuec tabadnuna, quec badiadquidën badiadquidënquiec utsibobëd chuinannuna. Nuquin Papan dada uamequin chiacpaden nëbimbobi nanuna: Icsambuen namianquidën muaquin icsambuen namiac Nuquin Papan chiacpadombuen nainquiocquid icmane, queshun.

Petedo 2 2:12

Aidon nëishbimbuen tantienquio icquin ambi tantiaiduidi naic tabadec. Adquid icquin abi cuidte tantienquio icquin mua uaquin chuibanec onquec. Adquido yec icsambuec tabadsho cuidac nëish cuessuniacbimbuec uënësendac.

Petedo 2 2:2

Aden muaquidën chuibansho tantiashun dadpenshun aidën chiaid tantiendac. Adashic Nuquin Papan Chiaid niacniaquec muaquido tabadacpadquiec padpidec icsambuec tabaduaindac. Adsho issun: Esus tantiaquido icsambuec tabadeque. Is, cabededendac tantiesabon.

Udas 1:10

Padnuen muaquidon ambi tantienquio yaidi icsambuen chuishunec. Aido nëishën tantienquio yacbimbuec tabadquin ambi tantiaiduidi naic tabadec. Aden nabanec tabadquin ambibi Nuquin Papa cuidmendac.