Hechos 19:34 - El Nuevo Testamento en matsés

³⁴ daëdpactsëc chiec onquesho tantiash cuëdcuededbuedi ënëdash tabadnubi: Isadaidbo aidi nec, quesho tantiash: Epeso yacnocquidon tantiaid Adtemisa bëdambo iquec, quec iuecquio cuëdcuededuapanëdash.

Hechos 19:34 ပူးပေါင်းရင်းမြစ်များ

Mateo 6:7

Nuquin Papa chuiquin bëdambuen chianneta. Nuquin Papa tantiesabon ambi tantiaid abibidi chuibud chuibudacbimbuen Nuquin Papa chuibudenda. Iuenquio chuibudac nuqui tantiabuedën nuqui nashuntsiash. Padenquio icac nuqui nashunenquio ictsiash, queshun Nuquin Papa tantiesabon iuen aiduidi chuibudacbimbuen chienda.

Hechos 16:20

Aden cuidte chuiquido tabadacno bëash: Nëid dada daëd isadaidbo nec. Nëmbo chochoshon aton chuiquidon: Naden nata, quequin chiaid icsambuen chuibanec. Ubitedi Doma yacnoquido icquin ambi chiaid ubitedishun natemaid icnuc cun matsestedi chushquecuededmiosh, quepondash chido iuaquido cuidte chuiquido chiec.

Hechos 19:24

Adquid Demetedio cuëmëdquid ambi tantiaid chidobimbuecnuc nacnenaid Adtemisa caidën shububimbuecnuc shubumpi nacnenmequid icpanëdash. Aden ambi nacnenmiaid menequin piucquid dadpen bedbampanëdash. Adshumbic abëtan nacnenaido dadpen menebampanëdash.

Hechos 19:26

Aden nanubi nidaid utsi yacnouësh Pabado cuëmëdquid nëmbo choshon cumapenen naden chuibanec: Adtemisabimbuecnuc nacnenaid tiboquesa iquec. Adquid matsesën tantiaid abimbo ictiapimbo iqueque. Aid tantienda, quequin chuibanac Epeso yacnocquidobëtan nidaid cuëshë Asia yacnocquid matses dadpenshun Adtemisa tantienquio yanac.

Hechos 19:28

Aden chiac ambi chomebuedtedi nëishcuededash: Epeso yacnocquidon tantiaid Adtemisa bëdambo iquec, quec cumapenec cuëdcuededpanëdash.

Hechos 19:33

Adnubien: Ubitedishun naid bëdambuen tantiamenuen chuitan, quequin isadaidbon Adejando cuëmëdquid tsicunniac nënantanquio nidtoshon mëdante uic uiccaic: Otacquio tabadquin tantiata. Chuibannu, quetanquin

Hechos 19:35

Adec cuëdcuededshobien Epeso yacnocquidon chuiquidën chiaid dada uaquidën matses dadpen cuëdsho ënëdmeshun nadopanëdash: Epeso yacnocquidon tantiata. Chuinu. Adtemisa caidbimbuecquid abucuësh paëdaidbimbuecnuc nacnenaid nuqui tantiaidbëta abi tabadte shubu isquido nuqui nec. Adquid Epeso yacnocquido nec, quequin nidaidën tabadquidtedishun tantiec.

Doma 2:22

Utsin chido chudenda, quebuedëmbi ¿atotsi queshun utsin chido mimbi chudpe? Utsibon papa canun nacnenaid isash: Icsambo iquec, quebuedëmbi ¿atotsi quequin aid tantiate shubun puduedshun mimbi ampeshumpe?

Esusën Uan ismiaid 13:4

Cun chuiquid tapa namequid mibi nec, quequin nisi dapabimbuecquid papa caquin matsesën tantiabededposh. Adembidi bëdi dapabimbuecquid acte ëquëducuësh chobued icsho: Cun chuiquid tapa mibi padquid utsi nibëdec. Cumapenen tantiaquidquio icnuc utsibon nuqui cuessun secatiapimbo iquec, queshun aton chuiquid tapa tantiabededquioposh.