Hechos 19:19 - El Nuevo Testamento en matsés

¹⁹ Adembidi nënëchoquid icbuedombi dadpenshun: Nëbi adquid ictiapimbo iquebi, quetanquin cute dëtsiadotanquin ambi podobitsi icsan namete chuiquin dada uaidtedi caic: Nëid bedshun isash utsitsen icsamboshë icnushe, queshun abitedishun isnubi aid dada uaidtedi pichicapanëdash. Aden pichicabi icsho aidtedi menequin piucquid shocosh ushu nacnenaid dadpen 50 midted bedtsempanëdash.

Hechos 19:19 ပူးပေါင်းရင်းမြစ်များ

Ducas 14:33

Adquid icnuc ubi tantiaquidquio icnuen bëdambuen tantiata. Cun chuiquid nec, quequin tantiaquin mitsanatedi nianta. Adoesa ubi tantiaquid ictiapimbo iquendac, quepanëdash Esus abi tsibananquido chiec.

Ducas 15:8

Aden chuiboshombic utsitsen chiec Esus nadpanëdash: Aton piucquid tsasicquid 10ted icbuedi abentsëc paëdacsho issun tabote taboshon bescaquin chidon: Istuidnu, quequin ¿nibënenquioda icpec?

Hechos 13:6

Adoshombic Sadamina yacnouësh nidquin chuibidanec Chipide cuëma utsiuc shubu dadpen icquid Papos caid yacnotsen choash Saudo Bednabebëd tabadpanëdash. Ambo tabadquin isadaidbo nënëchoquid Badesus cuëmëdquid istuidpanëdash. Aidëmbi Mayan Icsa Satanasën tantiamiaid icquin abimbo chiacbimbuec: Nuquin Papan oncamiaidquio nebi, quequin muaquin chuibampanëdash.

Hechos 13:8

Adoac choshon aidon Esus chuibampanëdash. Aden Saudon chuibansho tantiec chuiquid tapa tsadsho issun nënëchoquid Badesusën tantiamenquiocnuen utsi uain chuiuapanëdash. Aidi quidiecon onqueten Edimas cuëmpanëdash.

Hechos 19:18

Esus tantiesa icbuedëmbi aid tantiaquid yanshun Esus tantiaquido iccuededacno nidshun utsibo tantiamequin ambi icsambuen nabanaidtedi chuibampanëdash.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.