Hechos 18:3 - El Nuevo Testamento en matsés

³ Nëish iua bitsi shubumpi nacnenquid abipadquid Aquida aton chidobëd icsho issun aidobëd tabadquin Pabadon shubumpi nacnempanëdash.

Hechos 18:3 ပူးပေါင်းရင်းမြစ်များ

Codinto 1 4:12

Cuna bednuec cun mëdanten nabanec uinmabudec chonoadquido nebi. Chieshëmënquidon: Icsambocquido nec, quequin icsambuen chuishunaqui aido cuidenquio icquin bëdambo icmequin chuibanquido nebi. Utsibon natiamequin mëyanaqui chieshtoenquio icquido nebi.

Codinto 1 9:14

Adombuembidi abi tantiamequin Esuquidistu chuibanquido icsho: Ma ambi chuibanaidon nashunnu, quequin Nuquin Icbon tantiec.

Codinto 1 9:15

Ubi nashuntiadquidi nec, quequin tantiequi ¿adabi pete pemenun iuedpec? quesa nebi. Adembidi umbi dada uaid buanmiaid issun pete menetsiashi, quequin tantiaquin dada uainquio iccombi. Bunec uënësbudequi mibitedi caic: Bec cho, quenquio ictsiabi. Meniabi yac Esus chuibennec bëdambo iquebi.

Codinto 1 9:18

Cuishonquequin Esuquidistu chuibennec nebi. Esus chuibennequid Esus tantiaquidon nashunquid, quequin chiaid icnubi: Mitsana bec cho, quenquio icquin chuibennec nebi. Aden: Umbi tantiacpaden ubi mitsana mene, quenquio icquin Esuquidistu chuibennequidquio nebi.

Codinto 2 11:7

Ma Esuquidistun naid Nuquin Papan Chiaid Bëda tantiapanu, queshun mibitedi chuibanequi: Bec cho ¿quenquio icquindambi icsambuen naponda?

Codinto 2 11:9

Adec mibi yacno tabadquin Esuquidistu chuibanec cuna nibëdnuc: Bec cho, quenquio iccondabi. Nidaid cuëshë Masedonia caid yacnouësh choquidëmbini meniondash. Aden ënden: Bec cho, mibi cainquio iccondacpadembidi nëbi mibi yacno niduash: Bec cho, quenquio ictsiabi.

Codinto 2 12:13

Esuquidistu tantiec iccuededquid utsibon ubi tantiaquin nashunquin piucquid meniac ¿bedquindambi mibi chieshmedionda? Mibëdi tabadec bunec: Bec cho, quenquio iccondabique. Ubi bëdambuen ista.

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Tesadonica 1 4:11

Umbi chiondacpadquiec chieshëmënenquio yec bëdambuec tabadta. Utsin icsambuen naiduidi chienquio yec bëdambuec tabadta. Chieshenquio yec dayacquio yec chonoadec tabadta.