Hechos 18:25 - El Nuevo Testamento en matsés

²⁵ Adquid yec Nuquin Icbo tantiaquid icquin Uan acten mentoanquidën Esus chote chiec onquiaid tantiaquin matses bëdambuen chuibanquidquio Apodo icpanëdash.

Hechos 18:25 ပူးပေါင်းရင်းမြစ်များ

Madcos 1:3

Aidëmbi shubu nibëdacnoshon cumapenen cuënac matses chochosho: Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin Uan acten mentoanquidën nate Isayasën chuipampic.

Madcos 12:14

Aden nidmiac Esus yacno choshon abentsëcshun Esus naden chuipanëdash: Bëdambuen chuiquid mibi nec. Adembidi muesambo icquin Nuquin Papan chiacpadec bëdambuec tabadte mimbi abimbo chuibampoc. Matses dacuëdënenquio icquin Nuquin Papan Chiaidquio mimbi chuipoc. Adquid icquin ubi chui. Tantianu. Piucquid shocosh tsasicquid bec cho, quequin bedshunquid isadaidpembon chuiquid tapambo Sesad cuëmëdquid nec. ¿Ada aid meniac bëdambo icpec? ¿Adambi aid menepe? quepanëdash Esus caic.

Ducas 1:4

Utsibon mibi Esus chuiquin tantiamenëdaid abimbo chiaid nec, quequin ma mimbi tantianu, queshun mibi chuiquin dada uaimbi.

Ducas 7:29

Adashic abi onquec: Uanën chuibansho tantiaquido dadpenshun Nuquin Papan chiacpadombuen nate bunquin acten mentomepanëdash. Adembidi Doma yacnocquidon chuiquid tapan chiactedi cun matses piucquid bedshunquidontsen mentomepanëdash.

Hechos 13:10

Mayan Icsa Satanasën tantiamiaid yec bëdambuen naidbëta bëdambuen chiaid tantiamesambo mibi nec. Nuquin Papan namiaid nebi, quequin mimbi icsambuen naid ompoquimbi Nuquin Papan Chiaid utsi uaquin muaquin mimbi adenuidi chuibaneque. Tantia. Chuinu.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Hechos 18:26

Aidëmbi Nuquin Papan Chiaid chuibante shubu yacno nidshun dacuëdenquio icquin chuibampanëdash. Aden chuibansho tantiashun Aquidan aton chido Pisidabëtambi aton shubuno buanshun: Esus nadquidquio nec, quequin naden abimbo chuipanëdash: Matsesmiaid icquin Esusën nadatiambocquin nanëdaidbëta abided cuidadec uënësash uincuenaid bëdambuen tantiamequin Apodo chuibampanëdash.

Hechos 19:23

Epeso yacnoshon: Nuquin Papa yacno tabadmianquid iquec, quequin Pabadon chuibanaquien Esus tantiesabo nëishquiash chushquecuededpanëdash.

Hechos 19:3

Adshobien Pabadon: ¿Atotsi tantiasho mibi acten mentobampanëdash? capanëdash. Adoaquien aido: Uan acten mentoanquidën chiaid tantiaquid icsho acten mentondashi, quecuededpanëdash.

Hechos 19:9

Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 9:2

Shubu dadpen icquid Damasco yacno nidshun chiaid chuca tantiamiaido Esus tantiaquido dadabobëtabi chidobo bedmequin tanemeshun Edusaden yacno bëmete bunebique. Aden dada uashun ¿ada dada uaid ubi menetsia? Ai adota, quequin mimbi dada uaid meniac shubu dadpen icquid Damasco yacno nidshun Nuquin Papan Chiaid chuibante shubu utsi utsiec yacno nidshun ambo chuibanquid mimbi dada uaid ismiac: Adota, queuatsiash, quequin chuipanëdash Saudon.

Doma 12:11

Nuquin Papan chiacpadombuen naic chieshtoenquio icquin nata. Chieshquid iquenda. Nuquin Icbo tantiaquin aid nashunec chieshtoenquio yec bëdambuec tabadta.

Timoteo 2 2:4

Sondadon: Mibi bëdambo iquec, camenuen aton chuiquid tapan chiacpadombuenuidi naquid. Ambibi tantiaid nainquiocquinc utsibon chiacpadombuen nainquiocquinc caquin aton chuiquid tapan chiacpadombuenuidi naquidquio sondado nec.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.