Hechos 18:21 - El Nuevo Testamento en matsés

²¹ Nuquin Papan tantiacpadec mibi isec padpidec chouatsiabi, quianec Epeso yacnouëshquio puduanec nidec cano dapa antabëdtoanec Pabado nidpanëdash.

Hechos 18:21 ပူးပေါင်းရင်းမြစ်များ

Mateo 26:39

Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Madcos 6:46

Aden matsestedi nidmianec macuësh tapa yacno Nuquin Papa chiec Esus nidpanëdash.

Ducas 9:61

Adshobien utsintsen nadopanëdash: Mibi tsibanec nidnun cun matsesba: Nidendabi, quequin chuitambono, Icbo, caquien:

Hechos 15:29

Ambi papa canun nacnenaid ismequin pete sanaid penda. Adembidi min chidouidtsëqui chudquid icta. Adembidi min bënëuidtsëqui chudmequid icta. Adembidi nëish tëtaniaid penda. Adembidi tëshë codocaid intac icquid penda, quequin chiac umbi chiacpaden nabanec mibi bëdambo iquendac. Mibitedi tantiaquin aidtedtsëqui chiombi.

Hechos 18:19

Adec nidequi Epeso yacno chopanëdash. Ambo choshon Aquida aton chidobëta: Nëmbobi tabadta, capanëdash. Adshun aid daëdi nianec Nuquin Papan Chiaid chuibante shubu yacno nidshun isadaidbo Esus tantiamenuen Nuquin Papan Chiaid chuibampanëdash Pabadon.

Hechos 18:20

Aden chuibansho tantiashun: Adombuembidi chuibannuec ¿ada ubëd iuec tabadtsia? iccuededquidon caquien: Ai, quenquio yec:

Hechos 18:24

Adnubien isadaidbo Apodo cuëmëdquid shubu dadpen icquid Adejandedia caid yacnocquid Epeso yacno chopanëdash. Aidi bëdambuen chuibanquid yec Nuquin Papan Chiampid tantiaquidquio nepanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Hechos 19:17

Adec cuensho isquidon chiac Epeso yacnocquid isadaidbobëd isadaidpembo dacuëdcuededpanëdash. Adec dacuëdquimbi: Esus nadatiambocquin nabanquid nec, quequin tantiabededpanëdash.

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Hechos 20:16

Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Hechos 21:14

Aden: Nidenda, caqui niacbidanec: Edusaden yacno nidebi, queuapondash Pabado. Adec: Nidebi, quesho tantiashun: Ma Nuquin Icbon tantiacpadec nidshun chuibannu, capondambi ubitedishun.

Hechos 21:29

Epeso yacnouësh choquid isadaidpembo Todopimobëd Pabado Edusaden yacnouësh capusho isboshon Nuquin Papa tabadte shubu dapan aidbëd pudueda danquin tantiec abimbo chiacbimbuec onquecuededpanëdash.

Doma 1:10

Nadembidi mibi istante bunquin Nuquin Papa ënenquio icquin chiannembi. Mimbi tantiacpaden mimbi nidmiac nëbi nidtsiabi, Papa, quequin chiannembi.

Doma 15:32

Aden Nuquin Papan tantiamiacpadombuen naquin amboba istanec mibitedi yacnotsen nidendabi. Mibi istuidash cuishonquendabi. Mibëd tabadec bëdambo yanendabi.

Codinto 1 15:32

Epeso yacnoshon chuibansho chieshënquin ubitedi bëdi tëbuchoquidën icsa uatsenondashi. ¿Ambembi chuibanquidtabi nedi? Adquid icquin chuiquin ëntsenondambi. Adecbidi uincuente nibëdnuc matsesën chiacpaden: Badiadash uënësash nibëdquiec iquebi, quequin tantiaquin nua peshun nua acte paë uaid aquembi, quequin chuitsenombi.

Codinto 1 16:7

Nëbi mibi yacno ushenquio icquin isbidantiapimbo iquebi, quiash mibi yacno nidenquio iquendabi. Iuecash Nuquin Icbon tantiacpadec mibëd iuec tabadnush nidtanendabi.

Codinto 1 16:8

Shubu dadpen icquid Epeso yacno isadaidbon aton tiedën caniquid tidico caid bedaid tantiate uëshën cuishonquec tabadaid pentecostes caid choacnobi cuësquec iquendabi.

Codinto 1 4:19

Aden chuinubi Nuquin Icbo bunacpadec badedquio mibitedi isec nidendabi. Adshumbic: Ubiuidtsëqui bëdambocquid nebi, quequido cain: Abi onquiaid tantiaquimbi ambi nabanaid isnu, caindambi.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Epeso 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Adquid icquin Nuquin Papa tantiaquido icsho: Mibitedi tantiembi, quequin chuiquin dada uaic nebi. Epeso yacnocquido Esus tantiaquido yec mibitedi Esuquidistubëd abentsëc yacbimbuec tabadquido nec.

Ebedeo 6:3

Aidtedi chuibanac mimbi tantiondac. Nëbi Nuquin Papan: Umbi naden chiaid ma tantianu. Chuiban, cacpadombuen chuibanquin tantiamendambi.

Santiaco 4:15

Adquid icnuc naden tantiec onquiac bëdambo iquec. Nuquin Papan tantiacpadec uënësabi icquin naden naimbi, quequin chuita.

Petedo 1 3:17

Nuquin Papan tantiacpadec Esus tantiaquid yec mëyadsho: Icsambo iquec, catiapimbo iquec. Icsambuen naquid yec mëyadac bëdambo ictsiash.

Esusën Uan ismiaid 1:11

Naden chuiposhi: Umbi ismiac mimbi isaidbëta Umbi Chiaidtedi dada uabanta. Adoshombic nidaid Asia caidën icquid shubu dadpen icquid 7ted icquid uanno uannombuec tabadquin Esus tantiaquidtedishun iste nëidtedi yacno dada uashun buanmeta. Nëidic Epeso yacno. Nëidic Esmidna yacno. Nëidic Pedcamo yacno. Nëidic Tiatida yacno. Nëidic Saddes yacno. Nëidic Pidadedpia yacno. Nëidic Daudisea yacno. Aidted yacnocquidon iste dada uashun buanmeta, quec cumapenec onquequin chuiposhi.

Esusën Uan ismiaid 2:1

Naden chuiposhi: Epeso yacnoshon ubi chuibanquidën iste chuinu. Dada uata. Ubi uispa 7ted icquid cun mëdante abiucshun sananec tabote manitsintequid shocosh bëshpiu bëshpiucquid odo caid nacnenaid 7ted tabëcaid nënantanquio capuec nebique. Tantia, Epeso yacnocquido. Mibitedi chuinu.