Hechos 18:2 - El Nuevo Testamento en matsés

² Ambo isadaidbo Aquida cuëmëdquid nidaid cuëshë Ponto caid yacnoshon tishaid Pabadon istuidpanëdash. Aid ambo choabicnubi: Isadaidbotedi nidaid Itadia yacnouësh nidta, Doma yacnocquidon chuiquid tapa Cadaudion cac aton chido Pisida cuëmëdquidbëd Codinto yacno Aquida chopanëdash.

Hechos 18:2 ပူးပေါင်းရင်းမြစ်များ

Hechos 11:28

Chochoshon abentsëc Acabo cuëmëdquidën Nuquin Papan Mayan Bëdan oncamiac: Iuecash Doma yacnocquidon namiaido aton nidaidtedi yacnocquidon pete nibëdnuc buntequid yanendac, quepanëdash. Aden chiambic shubu dadpenquioshë icquid Doma yacnocquidon chuiquid tapa Cadaudio cuëmëdquid icnubi adec pete nibëdquiec yampanëdash.

Hechos 18:18

Adashien Pabado nidaid cuëshë Codinto yacno iuec tabadash Esus tantiaquido nianec nidaid cuëshë Sidia caid yacno nidec Pabado puduampanëdash. Aidbëdi Aquidabëd aton chido Pisida Codinto yacnouësh nidec Codinto nidaid cuëshën icquid shubu dadpen icquid Senquedeas yacno chopanëdash. Ambo tabadquin: Nuquin Papa tantiaquioquin aidtedec ushquin nainombi, queshun utsibo ismenu, quequin Pabadon aton manëdaid nibëdquiecnuc matasmepanëdash. Adashic auëshquio cano dapa antabëdtoanec nidpanëdash.

Hechos 18:26

Aidëmbi Nuquin Papan Chiaid chuibante shubu yacno nidshun dacuëdenquio icquin chuibampanëdash. Aden chuibansho tantiashun Aquidan aton chido Pisidabëtambi aton shubuno buanshun: Esus nadquidquio nec, quequin naden abimbo chuipanëdash: Matsesmiaid icquin Esusën nadatiambocquin nanëdaidbëta abided cuidadec uënësash uincuenaid bëdambuen tantiamequin Apodo chuibampanëdash.

Hechos 2:9

Ubitedi nëidtedi yacnouësh chochoquido nebi. Nidaid Padtia caid yacnouësh choquido. Utsibic Media yacnouësh choquido. Utsibic Edan yacnouësh choquido. Utsibic Mesopotamia yacnouësh choquido. Utsibic nidaid cuëshë Udea yacnouësh choquido. Utsibic nidaid cuëshë Capadosia yacnouësh choquido. Utsibic nidaid cuëshë Ponto yacnouësh choquido. Utsibic nidaid cuëshë Asia yacnouësh choquido.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 27:6

Ambo choshombic sondadon chuiquid capitan: Cano dapa utsin nidnu, quequin nibënquin istuidpondash. Shubu dadpen icquid Adejandedia caid yacnouësh chobuedi nidaid Itadia caid yacno nidnu, quequid istuidpondash. Aden aid istuidshun Pabadobëd icquido ubitedi aid cano dapantsen antabëdtomepondash.

Codinto 1 16:19

Nidaid cuëshë Asia caidën icquid Esus tantiec iccuededquid utsi utsiec yacnocquidon: Mibitedi tantiembi, quequin chuita, cac mibitedi chiec nebi. Adembidi Aquidan aton chido Pisidabëtan aton shubu yacnoshon Nuquin Icbo tantiec iccuededquidon: Aido tantiaquiembi, quequin chuita, cac chiec nebi.

Timoteo 2 4:19

Mibi yacnocquido chuiquin: Mibi tantiembi, quiosh Pabado, quequin nëidted chuibanta mado. Nëidic Aquida. Nëidic aton chido Pisida. Adshumbic Onesipodobëta aton shubun icquidotedi aden chuibanta.

Ebedeo 13:24

Mibëd icquid Esus tantiaquidobëta mibi chuibanquidtedi chuiquin: Mibi tantiec tsadebi, quiosh, quequin chuita. Adembidi umbitsen mibi tantiembi, quiosh, quequin chuita, queuapec Esus tantiaquido nëuëshquio Itadia yacno tabadquido.

Petedo 1 1:1

Petedo nebi. Esuquidistun: Ubi chuibenneta, caidquio nebi. Esus tantiaquido icquin mimbi iste dada uanu. Isadaidbo icsho nuquin nidaidënshun ënden cuenmenëdac maismaisnëdash nëidtedi nidaid cuëshë yacno mibitedi tabadec. Nëidic Ponto yacno. Utsibic Cadasia yacno. Utsibic Capadosia yacno. Utsibic Asia yacno. Utsibic Bitinia yacno quec tabadec. Aidtedi yacno tabadquidon iste nëid dada uaic nebi.