Hechos 18:17 - El Nuevo Testamento en matsés

¹⁷ Adoac puduenshun Nuquin Papan Chiaid chuibante shubun iccuededquidon chuiquid Sostenes cuëmëdquid bedshun isadaidbon cumapenen cuesbededpanëdash. Adosho isec mimbi: Icsambuen naic, quenquio yec Cadion otacquio tsadpanëdash.

Hechos 18:17 ပူးပေါင်းရင်းမြစ်များ

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Madcos 5:22

Adnubien Nuquin Papan Chiaid chuibante shubun tabadquido namequid chuiquid tapa Aido cuëmëdquid chopanëdash. Adec choquimbi Esus istuidash: Mibi bëdambocquid nec, quequin tantiaquin ismec Esusën tayun dannëshën sebudec nidaid bëccuësquebudshun

Hechos 17:32

Adec aidi uënës uacsho Nuquin Papan uincuenmepanëdash, quequin Pabadon chuibansho tantiashun utsin utsinquien mamënshunnubi utsi utsiec: Mimbi chuisho padpiden tantiate bunebi, quepanëdash.

Hechos 18:8

Adnubien Quidispo cuëmëdquid Nuquin Papan Chiaid chuibante shubun iccuededquidon chuiquid tapa nepanëdash. Aidëmbi Pabadon chuibanac aton shubun icquidobëd Esus tantiaquido yampanëdash. Adecbidi Codinto yacnocquid utsi dadpen Esus tantiaquid yampanëdash. Adsho aidotedi acten mentobampanëdash.

Codinto 1 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, quequin tantiamiaidquio nebi. Esus tantiaquid icsho nuqui cun utsi caid Sostenes ubëd iquec.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.