Hechos 18:14 - El Nuevo Testamento en matsés

¹⁴ Adnubien Pabado onquetsennubi Cadionëmba naden isadaidbo chuipanëdash: Tantia. Chuinu. Nëidën icsambuenshë nabanec, quequin mibitedishun ubi chuisho tantiashun: Icsambo iquec, quequin tantiatsiambi.

Hechos 18:14 ပူးပေါင်းရင်းမြစ်များ

Mateo 5:2

Adshobien Esusën Nuquin Papan matses bëdambuen ismete chuibanquin bedampanëdash.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Hechos 13:10

Mayan Icsa Satanasën tantiamiaid yec bëdambuen naidbëta bëdambuen chiaid tantiamesambo mibi nec. Nuquin Papan namiaid nebi, quequin mimbi icsambuen naid ompoquimbi Nuquin Papan Chiaid utsi uaquin muaquin mimbi adenuidi chuibaneque. Tantia. Chuinu.

Hechos 13:18

Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.

Hechos 21:39

Adoaquien Pabadon: Isadaidbon tishaid nebi. Nidaid Sidisia caidën icquid shubu dadpen icquid Tadso caid bëdambocquid yacnoshon tishaid yec cun matses chuibante bunebique. ¿Adambi cun matses chuipatsia? capanëdash.

Hechos 25:11

Icsambocquidquio neque. Pabado cuessunneme, quequin abimbo chuisho tantiash: Adoanenda, quenquioctsiabi. Isadaidbon abimbo chiacbimbuen chuisho tantiash: Pabado buanshun cuidta, quetiapimbo mibi iquec. Isadaidbo yacno buanmetiadquio iquebi, mibi quesho tantiashun: Doma yacnocquidon chuiquid tapambo Empedadod Sesadën ma umbi naid chuimeshun ma umbi icsambuen naid cuidnu, quepanëdash Pabado Uesto chiec.

Hechos 25:26

Aden buanmenuen ¿atotsimbi dada uaquin chuiquid tapambo empedadod chuipatsia? quequin tantienquio icquin Pabado ambi naid chuimeuaimbi: Ma aden chiac mibitedishun tantiapanu, quequin. Aden tantiashun: Naden chuiquin dada uata, mimbi cac dada uatsiambi.

Doma 13:3

Bëdambuec tabadquidon chuiquid tapan cuidte dacuëdëntiapimbo iquec. Adquido cuidenquio icquimbien ambi chiaid niacquido chuiquid tapan cuidendac. ¿Ada aido dacuëdënenquio yec tabadte bune? Adte bunec bëdambuec tabadta. Adsho issun: Mibitedi bëdambuec tabadec, catsiash chuiquid tapan.

Codinto 2 11:1

Nëbi umbi dada uaid isash: Tantiesa onquiacbimbuen mamënmenu, quequin Pabadon chiec, quequin mibitedishun tantienquio icpashun, caimbi. Adenquio icquin: Mimbi bëdambuen naic, quequin ubi bëdambuen ista.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.