Hechos 17:7 - El Nuevo Testamento en matsés

⁷ Aido Asonën aton shubun iuedac caosh. Aidombi nuquin chuiquid tapa Sesadën chiaid niacquin: Chuiquid utsi Esus cuëmëdquid iquec, quequin chuibanac caosh, quepanëdash Pabado chieshënquido aton chuiquido chiec.

Hechos 17:7 ပူးပေါင်းရင်းမြစ်များ

Ducas 10:38

Adashic Esus abëd icquidobëd nidequi shubu daëdpactsëcquid yacno chosho issun ambocquid chido Madta cuëmëdquidën Esusbëta abëd icquido aton shubun iuedpanëdash.

Ducas 23:2

Aden Pidato yacno Esus bëec choash nadpanëdash: Nëidën chuibambued tantiashun: Icsambuen namianquid nec, quequin tantiaquin mibi yacno bëombi. Adquid icquin chuiquid tapa Sesadën: Piucquid tsasicquidëmpi bec cho, cac: Menenda, quiosh. Aidbidi: Isadaidbon chuiquid tapa Quidistu nebi, quiosh, quepanëdash isadaidbon chuiquido Pidato chiec.

Uanën dada uaid 19:12

Adsho tantiashien Pidato: Esus uënës uametiapimbo icchitebi. Nidmetiadquio iquebi, quetanquin padpiden Esus bëquido naden chuiuapanëdash: Esus nidmenu, caquien cun matses isadaidbo cumapenec cuëdcuededec: Icsambo iquec. Min matses abitedishun chuiquid tapambo Sesad caid: Ubentsëqui chuiquid tapambo nebi, quiac caosh. Aid dëniaquec Esus chuiquid tapa icte bunquiec. Esus nidmequin min chuiquid tapambo mimbi nëishmeque. Esus cueste napotiaidën dectanquin uënës uame, quecuededpanëdash.

Hechos 17:5

Aden Pabadon chuibanac Esus tantiaquid dadpen yansho isashien isadaidbo utsibo nëishshun abembi capuquido tantiesabo icsambocquid dadpen iccuededmequin aidotsen chuiquin nëishmiac natia chushquecuededpanëdash. Adec chushquecuededsho tantiashun Pabadobëta Sidas bednuec Pabado ushacno Ason cuëmëdquidën shubun puduedpanëdash.

Hechos 17:8

Aden chuisho tantiash iccuededquidobëd chuiquid tapabo chushquec cumapenec cuëdcuededpanëdash.

Santiaco 2:25

Adquidbidi Daba cuëmëdquid piucquid bedec chudadquid abi tantiaquid icsho Nuquin Papan bëdambuen ispampic. Osuen aton matses isadaidbo dada chuiquin: Istan, cac chochoaido Daban aton shubun iuedshun ompotanquin podquied utsin nidmequin aton matses ismenquio icquin cuenmepampic. Aden nasho Nuquin Papan bëdambuen isaid icpampic.

Petedo 1 2:15

Nuquin Papa mibitedi bëdambuen naic tabadmete bunquid nec. Adquid icsho tantiesabo icquin mibitedi icsambuen chuishunte bumbuedombi mibi icsambuen chuishunenquio iquendac.