Hechos 17:24 - El Nuevo Testamento en matsés

²⁴ Umbi tantiaid Nuquin Papa nidaidbëta abu uashun aidën icquidtedi uaquidquio nec. Abitedi uaquidquio yec abitedishun Icbombo aidi nec. Aidi matsesën shubu uaidën tabadesa nec.

Hechos 17:24 ပူးပေါင်းရင်းမြစ်များ

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 5:34

Utsitsen mibi chuinu: Nuquin Papan tantianubi abimbo chuinu. Umbi chiacpadombuen naindambi, quequin chienda. Adembidi abu chuiquin: Abimbo chuinu, quequin chienda. Abu Nuquin Papa tsadaid neque.

Ducas 10:21

Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Uanën dada uaid 1:1

Ëndenquimboshë abitedimbo uabi yequi Nuquin Papabëd Esus icpampic. Aidi Nuquin Papapadquidquiobidi yec aid tantiamianquidquio nec.

Hechos 14:15

¿Atotsi quequin aden nai? Ubi daëdi mibi padquid matsesquio nebi. Mimbi tantiacmaid nebique. Baca cuessunnenda. Chiaid Bëda Esusën naid mibitedi naden chuinuec chobi. Nuquin Papa uënëstiapimbocquid abentsëcquiobi iquec. Aidëmbi abu uaquinc nidaid uaquinc acte uaquinc cashun aidën icquidtedi uaquidquio neque. Aiduidtsëqui tantiaquin matsesën papa canun nacnenaid tantiesa icta.

Hechos 4:24

Adoac abentsëc onquiacbimbuen Esus tantiaquidon naden Nuquin Papa chuibededpanëdash: Cun Icbombo mibi nec. Abubëta nidaid acte chedo uashun aidën icquidtedimbo mimbi uapampic.

Hechos 7:48

Aden matsesën shubu uaidën Nuquin Papa tabadenquio iquec. Aden tantiaquin Nuquin Papan oncamiaidën naden chuipampic:

Doma 1:19

Abi tantiametequid ambi uaidtedi isquimbi tantiatiadquidi Nuquin Papa tantiate bunenquio matses iquec. Adquidshenda Nuquin Papa nepec, matses camenuen abitedimbo uapampic.

Ebedeo 1:2

Nëbien abipadquidquio tsiuec choshon Nuquin Papan chiacpadombuen aton Madonquio chuibampanëdash. Aidëmbi aton Papabëtan abuc icquidtedbëta nidaidën icquidtedi uapampic. Adshumbic Nuquin Papan ambi uaidtedishun Icbombo icmepampic.

Ebedeo 3:4

Shubu abitedi abi shubu uaquidën naid nec. Adombuembidi Nuquin Papan abitedimbo uapampic.

Esusën Uan ismiaid 20:11

Adshumbic padpiden matses cuidte ismeposhi. Aden ismiac tsadte tapa ushumboshë icquidën Nuquin Papa tsadsho ispombi. Icsambuen naquido cuidquidquio yec dacuëdampambuec Nuquin Papa isadnuc abubëdi nidaid abichobi nibëdquio yamposh, padpidec isadtiapimbo yec.