Hechos 17:15 - El Nuevo Testamento en matsés

¹⁵ Bedea yacnoshon utsibon bëyucanquin Pabado buanec nidequi shubu dadpen icquid Atenas yacno chopanëdash. Ambo choash abia bëyucanquin Pabado bëbuedo: Ubi icbocnobidi Bedea yacno niduaibi, quesho tantiashun Pabadon: Mibi yacno niduashun: Badedquio Atenas yacno chota, quiosh Pabado, quequin Sidasbëta Timoteo chuita, capanëdash. Aden chiac nidannepanëdash.

Hechos 17:15 ပူးပေါင်းရင်းမြစ်များ

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Hechos 17:14

Adsho tantiashumbien Bedea yacnocquid Esus tantiaquidon acte dapa mad caid cuëman badedquio Pabado nidmepanëdash. Adnubi Sidasbëd Timoteo nidenquio yec Bedea yacnobi tëshëdpanëdash.

Hechos 17:16

Adashic Atenas yacno Pabado tabadquin Sidasbëta Timoteo cainec capuquimbi Atenas yacnocquidon papa canun nacnenaid dadpenquio tabëcaid tabadsho isbampanëdash. Adsho isash Pabado uënësquio yampanëdash.

Hechos 17:21

Abi buanquido Adeopaco caid yacno nidtedniash Atenas yacnocquidobëd nidaid utsi utsiec yacnouësh chochoquido badiadquidën badiadquidënquiec utsin utsinquien ambi tantiacpaden chuibansho tantianuec iccuededtednepanëdash.

Hechos 17:22

Aden: Mimbi tantiacpaden chuibanta, caquien aid shubu Adeopaco caid nënantanquio nidtoshon naden Pabadon chuipanëdash: Tantiata, Atenas yacnocquido. Mibitedi chuibannu. Mimbi papa cain cuënaid mimbi tantiaidquio dadpenquio iquec, quequin tantiembi.

Hechos 18:1

Adec Atenas yacno tabadash auëshquio puduanec nidec shubu dadpen icquid Codinto yacno Pabado nidpanëdash.

Hechos 18:5

Adnubien Sidasbëd Timoteo nidaid Masedonia caid yacnouësh choshon isaquien Pabadon shubumpi nacnenenquio icquin: Esus Nuquin Papan Chomiaid Quidistu cashumbic Mesias niondash, quequin isadaidbo tantiamenuen Nuquin Papan Chiaid Bëda chuibampanëdash.

Tesadonica 1 3:1

Aden mibitedi tantiec: ¿Mitsipadequien tabadpec? quequinuidtsëqui tantiec tsadtiapimbo ubitedi iqueque. Istan, caondambi Timoteo chuiquin. Adshumbic shubu dadpen icquid Atenas caid yacno tabadquin ubëtan chuibanquid utsi chuiquin: Timoteo nidan nuquiuidtsëqui icnuna, caondambi. Umbi nidmiaid Timoteo Esus tantiaquid yec nuquin utsi nec. Aidi ubëtan Esus chuibennequidquio nec. Adquid icsho nadopondambi. Tesadonica yacno nidshun Esus bëdambuen chuibanta. Adembidi: Esus tantiec chieshtoenquio yec bëdambuec tabadquid nendac, quequin umbi: Chuibanec nid, caid Timoteo nec.

Tito 3:12

Tantia. Mibi chuinu. Adtemasbëd Tiquico ubëd iquec. Aid daëd icnuc abentsëc Quedeta yacno nidmembi. Aid mibi yacno nidacsho issun: Pabado isec nidnu. Mimbitsen nëmbocquido chuibanta, quequin chianec Nicopodis yacno nidta, Tito. Nicopodis yacnoshon ue taëquid matanmete bunebique. Ubi ambo istuidec nidta.