Hechos 16:38 - El Nuevo Testamento en matsés

³⁸ Aden chiac puduenanec cuidte chuiquido yacno nidshun: Mimbi quënën nauedmebued daëd: Doma yacnoquido nebi, quiosh, quequin chuisho tantiash cuidte chuiquido cumapenec dacuëdtancuededpanëdash.

Hechos 16:38 ပူးပေါင်းရင်းမြစ်များ

Mateo 14:5

Adshumbic Uan cuessunnete bunquimbi matses dadpen: Nuquin Papan oncamiaid Uan nec, quesho tantiashun: Aidon ubi cuessunnetsiash, quequin dacuëdënquin badedi Uan cuessunnenquio icpanëdash.

Mateo 21:46

Adshun Esus bedtiadquio icquimbi bedenquio icpondash. Abi datsidadquidon: Nuquin Papan oncamiaidquiobi Esus bedec, queshun Esus bedsho cuessunnenushe, queshun aton matses dacuëdënquin bedenquio icpondash.

Ducas 12:11

Adquid icnuc: Esus tantiaquid nec, queshun mibitedi chieshënquin bedshun utsi utsien Nuquin Papan Chiaid chuibante shubuno buanendac. Utsibic cuidte chuiquid yacno buanendac. Utsibic chuiquid tapabo yacno buanendac. Adoac: Icsambuen nambo iccombi, quequin tantiec: ¿atotsimbi chuiquid chuipeba? quec natienda.

Hechos 16:35

Adshumbic badiadshun cuidte chuiquidon quënën tsadunaid isquid sondado chuiquin: Quënën tsadunte shubu yacno nidshun quënën tsadumbued Pabadobëta Sidas puduenme, quequin chuitanta, cac quënë yacno nidshun Ista, cabued adombuembidi chuiuapanëdash.

Hechos 22:29

Aden Pabadon chuisho tantiash ambi icsambuen naid chuimenuen cacuestsembuedo nidannepanëdash. Aden chuisho tantiash: Doma yacnoquido icshobi Pabado shocosh bucun mëtanemechitombi, quequin tantiec comandante dacuëdpanëdash.