Hechos 16:34 - El Nuevo Testamento en matsés

³⁴ Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Hechos 16:34 ပူးပေါင်းရင်းမြစ်များ

Ducas 15:32

Min utsi uënësacbimbuec icbuedi nëbi choash tabaduaic. Aidi bënnudacbimbuec icbuedi nëbi istuidacbimbuec chosh, quequin aton papan aton mado bëyucquid chuiposh, quepanëdash Esus.

Ducas 19:6

Saqueo badedi budpanëdash. Budanec nidquin Esus aton shubuno buanec nidshun: Mibi ubëd icte bunsho isash bëdambo iquebique. Pudued, Saqueon cac Esus puduedpanëdash.

Ducas 5:29

Adshumbic aton shubuno Esus buanshun cuishonquec iccuededquin Debin pemepanëdash. Adembidi abipadquid piucquid bedshunquidobëtabi utsibo dadpen Debin pemepanëdash.

Hechos 11:14

Aidëmbi mibëta min shubun icquidtedi: Nuquin Papa yacno tabadmetequid iquec, quequin chuibanendac, quequin Nuquin Papabëd icquidën chuiposhi, quequin Codnedion chuiposhi.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 16:35

Adshumbic badiadshun cuidte chuiquidon quënën tsadunaid isquid sondado chuiquin: Quënën tsadunte shubu yacno nidshun quënën tsadumbued Pabadobëta Sidas puduenme, quequin chuitanta, cac quënë yacno nidshun Ista, cabued adombuembidi chuiuapanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 8:39

Adashic acte nantanuësh abidaëdi pudundosho Nuquin Icbon Mayanën Uedipe buampanëdash. Adoacsho padpiden aid isenquio iquequi: Esus tantiec bëdambo iquebi, quec cuishonquec aton nidaid Etiopia yacno nidpanëdash.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Doma 5:11

Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Pidipos 4:17

Piucquid utsi ubi mene, ¿quequin chiectabi nedi? Padenquio. Ma aden bëdambuen nabansho issun Nuquin Papan: Mibi bëdambo iquec, canu, quequin chiec nebi.

Pidipos 4:4

Nuquin Icbo Esus tantiec cuishonqueta. Esus tantiaquiec cuishonquequiota, caimbi.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.