Hechos 16:28 - El Nuevo Testamento en matsés

²⁸ Adsho istanec Pabado: Quënën tsadunaidtedi nëmbo iquebique. Seshunniadenda, quec cumapenen cuëmpanëdash.

Hechos 16:28 ပူးပေါင်းရင်းမြစ်များ

Mateo 5:44

Aden chiaid icnubi utsi mibitedi chuinu. Tantia. Mibi chieshënquidobi bëdambuen tantiaquin nashumbanta. Chieshënaqui: Ubi chieshënquid bëdambuen ista, Papa, quequin Nuquin Papa chianneta.

Ducas 22:51

Aden pateshunnesho isash: Padi. Chën. Adoenda, quetanquin Esusën chuiquid tapan iuan pabiate patiacno mishquin bëdanmepanëdash.

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Hechos 16:27

Adnubien: Ista, cabued isec tsadbuedi ushtanec isucunquin isac shëcuë bëtashaidtedi shëcniadac. Adsho isash: Ista, caid: Quënën tsadunaido puduen puduempash icnui, quetanec: Chuiquid tapabon ubi cuessunnemetsiash, queshun: Siadnu, quequin abi tsiusudaid chështe chicpanëdash.

Hechos 16:29

Adoaquien seshunniadtsembuedën: Tabote bec cho, cac ambi namiaidën tabote bëacsho bedshun sananec badedi quënën puduedash dacuëdec uëdëquec Pabadobëd Sidas tabadacno choash danëshën sebudpanëdash.

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.