Hechos 16:18 - El Nuevo Testamento en matsés

¹⁸ badiadquidën badiadquidënquiec cumapenec cuëdtednepondash. Adec cuëdsho tantiate bunenquio icquin amibidi bidiadquin podobitsi icsa dapuduedaid chido chuiquin cumapenec cuëdquin Pabadon: Esuquidistu Cun Icbombo icquin dapuduenmeta, cac aid chidon dadan iquenquio yec badedquio podobitsi icsa dapuduempondash.

Hechos 16:18 ပူးပေါင်းရင်းမြစ်များ

Mateo 14:24

Adnubi chian dapa potec abëd icquidobëd nidequi inchëshpondabi. Adec nidec chian nënantanquio yannubi cunquequid tapa choec cunquetuidpondash. Adnuc uncadenquio yanec acte cumapenec bocquiampondash. Cumapenec acte bocquenuc cano mentoadtiadpambo icpondash.

Madcos 1:34

Adsho issun shubunuësh puduenshun nënquidobëta daicsaidotedi Esusën bëdanmebampanëdash. Adembidi podobitsi icsa dapuduedaid oncamenquio icquin dapuduenmebampanëdash. Umbi tantiaid Nuquin Papan Madombo nec, quequin chuinushe, queshun oncamenquio icpanëdash.

Madcos 16:17

Abi tantiaquid utsi utsien Nuquin Papan nadatiambocquin nabanquid icmendac. Adquid icmiaidën umbi nabanondacpadombuen podobitsi icsa dapuduedaid icsho dapuduenmendac. Adembidi utsibon onquete tantienquio icbuedëmbi abi uëshëmbi tantiashun umbi naid chuibanendac.

Ducas 9:1

Adshumbic ambi: Ubi chuibenneta, caido 12tedtsëqui chochomeshun Esusën nadopanëdash: Umbi nadatiambocquin nabambocpadombuembidi mibitedishun nabanendac. Podobitsi icsa dapuduedaid dapuduenmequinc daicsaido bëdanmequinc nënquido bëdanmequinc quequin mimbi nabanendac.

Hechos 3:6

Petedon: Piucquid cuna nibëdec. Umbi tantiaid Esuquidistu Nasaded yacno iccondaidën bëdanmiacpadec bëdanec nidtoash nidec nid, capanëdash.

Hechos 9:34

Esuquidistun mibi bëdanmeque. Nidtoshon min uete buannun nacnenta, Eneas, Petedon cac badedquio bëdanec nidtopanëdash.

Codosas 2:15

Adec uënësacsho uincuenmequin Nuquin Papan Mayan Icsa Satanas aton iuabobëta dëniacmequin Esuquidistu abitedishun Icbombo icmepanëdash. Adoac cuesnanquin dëniacquin bedash bëyucquio nidmiacbimbuen Esuquidistun Nuquin Papa ismepanëdash.