Hechos 16:15 - El Nuevo Testamento en matsés

¹⁵ Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 16:15 ပူးပေါင်းရင်းမြစ်များ

Mateo 10:41

Nuquin Papan oncamiaid yec aidën chiaid chuibennequid bëdambuen isquid icsho ambi oncamiaid meniacbimbuen Nuquin Papan bëdamboshëcquid menetequid iquendac. Adombuembidi bëdambuec tabadquid icsho bëdambuen nashunsho Nuquin Papan bëdambuen isquin bëdamboshëcquid menetequidtsen iquendac.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Ducas 14:23

Adoaquien icbon: Shubu ënëdacno nidshun utsibobi istuidshun bëuata. Ma adoac chochoash cun shubun tsucus tsucustsëcquio yec puduedash ma tabadpanu.

Ducas 24:29

Inchëshbudec neque. Nuquibi nëmbobi ushnuna, abidaëdshumbi cac shubun aidobëd puduedpanëdash.

Hechos 11:14

Aidëmbi mibëta min shubun icquidtedi: Nuquin Papa yacno tabadmetequid iquec, quequin chuibanendac, quequin Nuquin Papabëd icquidën chuiposhi, quequin Codnedion chuiposhi.

Hechos 16:31

Adoaquien Pabadon: Esuquidistu min Icbombo neque. Min shubun icquidobëtambi aidquio tantiata. Adash aidobëdi Nuquin Papa yacno mibi tabadendac, capanëdash.

Hechos 16:33

Adoaquien aid inchëshëmbi Pabadobëta Sidas cuesaid chiuë acten bëpanshumpanëdash seshunniadtsembuedën. Adash aton shubun icquidobëd Esus tantiaquido yansho issun aidtedi Pabadobëtan Sidasën acten mentobampanëdash.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Hechos 18:8

Adnubien Quidispo cuëmëdquid Nuquin Papan Chiaid chuibante shubun iccuededquidon chuiquid tapa nepanëdash. Aidëmbi Pabadon chuibanac aton shubun icquidobëd Esus tantiaquido yampanëdash. Adecbidi Codinto yacnocquid utsi dadpen Esus tantiaquid yampanëdash. Adsho aidotedi acten mentobampanëdash.

Hechos 8:12

Adnubien Uedipen: Nuquin Papan namiacno puduedmianquid Esus nec, quequin Chiaid Bëda chuibansho tantiash Esus tantiaquid dadpen dadabëdi chidobo yampanëdash. Adsho issun aidotedi acten mentobampanëdash.

Hechos 8:38

Nidtuidme, cac nidaid cano nidmequidën cabachu nidtuidmian acte nantan budshun Etiopia yacnouësh choquid Uedipen acten mentopanëdash.

Doma 16:23

Pabado nebi. Cayon shubu yacno iquebi. Esus tantiaquido iccuededec nëid shubu yacno pudued puduedosh. Aidontsen mibitedi tantiec. Adembidi Edaston mibitedi tantiec. Aidi nëid shubu dadpen icquidon chuiquidën chiacpadombuen piucquid bedbenneshun dayun uaquid nec. Nuquin utsibimbuecquid Cuadtontsen mibitedi tantiec.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 5:14

Esuquidistun tantiaid icquin ënenquio icquin naden chuibanquid nebi. Matses abitedi tantiec abided cuidadec Esuquidistu abentsëqui uënëspanëdash. Adquid icnuc uënësacbimbuen aid tantiaquid icquin nuqui bunaid nainquio iquendac, quequin nuqui tantiec.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Epeso 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Adquid icquin Nuquin Papa tantiaquido icsho: Mibitedi tantiembi, quequin chuiquin dada uaic nebi. Epeso yacnocquido Esus tantiaquido yec mibitedi Esuquidistubëd abentsëc yacbimbuec tabadquido nec.

Pidipos 1:7

Adquid yanshun ubi chieshënenquio icquin mimbi ubi tantiaquiec. Adsho mibitsen tantiaquiembi. Nëbi quënën tsadunondac abi tsadebi. Aden quënën tsadunaqui Nuquin Papan Chiaid Bëda chuibanquin tantiamiac: Abimbo caic, queshun ma tantiabennu, quequin chuibanembi. Adembidi chuiquid tapabo tantiamequin chuidenniondambi. Adquid icsho mibitedishun ubi tantiaquin mimbi ubi nashunoc.

Pidemon 1:17

Esus tantiaquid yec cun buchibimbuecquid nec, queshun mimbi ubi iuedondacpadomboembidi Onesimo iuedta, Pidemon.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Uan 2 1:10

Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda.

Uan 3 1:5

Mimbi bëdambuen naid chuisho tantiombi, cun utsi. Esuquidistu tantiaquid utsibo uannocquido chochosho issun iuedshun Cayon nashunosh, quequin chioshi.

Uan 3 1:8

Adquid icshobi: Ma aidon Nuquin Papan Chiaid abimbo chuibannu, quequin piucquid menequin nuquitedi nashunnuna.